ಕೊಲೆ ಘಟನೆ ಹಿಂದೆ ರಾಜಕೀಯ ಷಡ್ಯಂತ್ರ : ಮಾಜಿ ಶಾಸಕ ಕೆ.ಎಸ್.ಕೆ.

ಕೊಲೆ ಘಟನೆ ಹಿಂದೆ ರಾಜಕೀಯ ಷಡ್ಯಂತ್ರ : ಮಾಜಿ ಶಾಸಕ ಕೆ.ಎಸ್.ಕೆ.
-------------------- ----------------------------------------
ಹೊನ್ನಮ್ಮಳ ಹತ್ಯೆಯ ಹಿಂದೆ ರಾಜಕೀಯ ಷಡ್ಯಂತ್ರವಿದ್ದು ಇದೊಂದು ಪೂರ್ವ ನಿಯೋಜಿತ ಕೃತ್ಯವಾಗಿದ್ದು ಇದರ ಹಿಂದೆ ಜೆಡಿಎಸ್ ಮುಖಂಡರ ಕೈವಾಡವಿದೆ ಎಂದು ಮಾಜಿ ಶಾಸಕ ಕೆ.ಎಸ್.ಕಿರಣ್ ಕುಮಾರ್ ಗಂಭೀರ ಆರೋಪ ಮಾಡಿದರು.

ಹುಳಿಯಾರಿನ ಪರಿವೀಕ್ಷಣಾ ಮಂದಿರದಲ್ಲಿ ಕಳೆದ ರಾತ್ರಿ ಬಿಜೆಪಿ ಮುಖಂಡೆ ಹೊನ್ನಮ್ಮಳ ಹತ್ಯೆ ಖಂಡಿಸಿಸುವ ಸಲುವಾಗಿ ಕರೆಯಲಾಗಿದ್ದ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡಿದರು.

ರಾಜಕೀಯವಾಗಿ ಹೊನ್ನಮ್ಮ ಅವರನ್ನು ಮುಗಿಸಲು ಕಳ್ಳತನದ ಹಾಗೂ ಸುಳ್ಳು ಕೇಸು ದಾಕಲಿಸುವ ಮೂಲಕ ಆಕೆಯನ್ನು ಈ ಹಿಂದೆಯೇ ಮಾನಸಿಕವಾಗಿ ಕೊಂದಿದ್ದರು. ತನನ್ನು ಹತ್ಯೆ ಮಾಡಬಹುದೆಂದು ಅನುಮಾನ ಹೊಂದಿದ್ದ ಆಕೆ ಸಿಎಂ, ರಾಜ್ಯಪಾಲ, ಐಜಿಯವರಿಗೂ ಪ್ರಾಣರಕ್ಷಣೆಗೆ ಮನವಿ ಮಾಡಿದ್ದು ಹಂದನಕೆರೆ ಪೊಲೀಸ್ ವೈಪಲ್ಯದಿಂದಾಗಿ ಹತ್ಯೆಗೆ ಒಳಗಾದಳು ಎಂದು ವಿಶ್ಲೇಷಿಸಿದ್ದಾರೆ.

ಹಂದನಕೆರೆ ಪೊಲೀಸರ ಮೇಲೆ ಜೆಡಿಎಸ್ ಮುಖಂಡರ ಪ್ರಭಾವದಿಂದಲೇ ಆಕೆ ದೂರು ನೀಡಿದರೂ ಸೂಕ್ತ ರಕ್ಷಣೆ ನೀಡದಿದ್ದೇ ಘಟನೆಗೆ ಕಾರಣವಾಗಿದೆ. ಅಲ್ಲಿನ ಎಎಸ್ಐಗಳಾದ ಕೃಷ್ಣನಾಯ್ಕ ಹಾಗೂ ಗಂಗಾಧರ್ ಅವರುಗಳೇ ಪರೋಕ್ಷವಾಗಿ ಕಾರಣರಾಗಿದ್ದು ಅವರುಗಳನ್ನೇ ಆರೋಪಿಗಳಾಗಿ ದಾಖಲು ಮಾಡುವಂತೆ ಒತ್ತಾಯಿಸಿದರು.

ಒಂಟಿ ಹೆಣ್ಣಿನ ಮೇಲೆ ಬರೋಬ್ಬರಿ ಇಪ್ಪತ್ತು ಮಂದಿ ಹಾರಿಬಿದ್ದು ಕಪಾಳಕ್ಕೆ ಹೊಡೆದು, ಚಪ್ಪಡಿಕಲ್ಲುಗಳನ್ನು ಹಾಕಿ, ಬಟ್ಟೆ ಕಿತ್ತು ಅರೆ ಬೆತ್ತಲೆ ಮಾಡಿ, ರಸ್ತೆಯ ತುಂಬೆಲ್ಲ ಎಳೆದಾಡಿ ಸಾಯಿಸಿರುವುದು ಮೃಗೀಯ ವರ್ತನೆಯಾಗಿದ್ದು ಆರೋಪಿಗಳಿಗೆ ಕಠಿಣ ಶಿಕ್ಷೆ ಆಗಬೇಕು ಎಂದಿದ್ದಾರೆ.

ಸದ್ಯ ಪೊಲೀಸರು ಬಂಧಿಸಿರುವ ಆರೋಪಿಗಳಲ್ಲಿ ಕೆಲವರು ನಿಜವಾದ ಆರೋಪಿಗಳಲ್ಲ. ಅವರು ಕೂಲಿ ಕೆಲಸಕ್ಕೆ ಬಂದಿದ್ದ ಚನ್ನರಾಯಪಟ್ಟಣದ ಮೂಲದವರಾಗಿದ್ದು ಯಾವುದೇ ಒತ್ತಡಕ್ಕೆ ಮಣಿಯದೆ ಎಲ್ಲಾ ಆರೋಪಿಗಳನ್ನು ವಿಳಂಭಮಾಡದೆ ಬಂಧಿಸುವಂತೆ ಆಗ್ರಹಿಸಿದ್ದಾರೆ.

ಜಿಲ್ಲಾ ಬಿಜೆಪಿ ಅಧ್ಯಕ್ಷ ಶಿವಪ್ರಸಾದ್ ಅವರು ಮಾತನಾಡಿ ರಾಜಕೀಯ ಹಗೆಯೇ ಈ ಹತ್ಯೆಗೆ ಕಾರಣವಾಗಿದ್ದು ಇದು ಸಮಾಜ ತಲೆ ತಗ್ಗಿಸುವ ವಿಚಾರವಾಗಿದೆ. ಹತ್ಯೆಗೊಳಗಾದ ಕುಟುಂಬಕ್ಕೆ ಎಲ್ಲಾ ರೀತಿಯ ರಕ್ಷಣೆ ಹಾಗೂ ನೆರವು ಪಕ್ಷದಿಂದ ನೀಡಲಾಗುತ್ತದೆ ಎಂದರು.

ಬಿಜೆಪಿ ಎಸ್ಸಿ ಘಟಕದ ರಾಜ್ಯ ಪ್ರಧಾನ ಕಾರ್ಯದಶಿ೯ ಗಂಗರಾಜ್ ಅವರು ಮಾತನಾಡಿ ಘಟನೆಯನ್ನು ಖಂಡಿಸಿ ಆರೋಪಿಗಳನ್ನು ಶೀಘ್ರ ಬಂಧಿಸಿ ಗಡಿಪಾರು ಮಾಡಬೇಕೆಂದು ಒತ್ತಾಯಿಸಿದರು.

ಬಿಜೆಪಿ ಎಸ್ಸಿ ಘಟಕದ ರಾಜ್ಯ ಪ್ರಧಾನ ಕಾರ್ಯದಶಿ೯ ಮೋಹನ್ ಅವರು ಮಾತನಾಡಿ ಬಿಜೆಪಿ ಸಕಾ೯ರ ದಲಿತರ ಪರವಿದ್ದು ಮೊದಲಿಂದಲೂ ದಲಿತರ ಸಮಸ್ಯೆಗಳಿಗೆ ಸ್ಪಂಧಿಸುತ್ತಲೇ ಬಂದಿದೆ. ಮುಖ್ಯಮಂತ್ರಿಗಳು ಈಗಾಗಲೇ ಘಟನೆ ಬಗ್ಗೆ ವರದಿ ಪಡೆದು ತ್ವರಿತ ಕ್ರಮಕ್ಕೆ ಆದೇಶಿಸಿದ್ದು ಇದರ ಬಗ್ಗೆ ಯಾವುದೇ ಗೊಂದಲವಿಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ಪತ್ರಿಕಾಗೋಷ್ಠಿಯಲ್ಲಿ ಮಾಜಿ ಶಾಸಕ ಗಂಗಹನುಮಯ್ಯ, ರವಿ, ತಾಲೂಕು ಅಧ್ಯಕ್ಷ ಮಿಲ್ಟ್ರಿ ಶಿವಣ್ಣ, ಹಳೇಮನೆ ಸುರೇಶ್, ಶ್ರೀನಿವಾಸ ಮೂತಿ೯, ಶಿವನಂಜಪ್ಪ, ಬಿ.ಕೆ.ಸದಾಶಿವು ಮತ್ತಿತರರು ಇದ್ದರು.

ಹೊನ್ನಮ್ಮನ ಹತ್ಯೆ ಹಿಂದೆ ಪೊಲೀಸ್ ವೈಪಲ್ಯ: ಪಾವಗಡ ಶ್ರೀರಾಂ
------------------------
ದಲಿತ ಮಹಿಳೆಯನ್ನು ಬರ್ಬರವಾಗಿ ಹತ್ಯೆ ಮಾಡಿರುವುದು ಜಿಲ್ಲೆಯಲ್ಲಿ ನಡೆದ ಪ್ರಥಮ ಅಮಾನುಷ ಕೃತ್ಯವಾಗಿದ್ದು ಹೊರ ರಾಜ್ಯಗಳಲ್ಲಿ ಕೇಳುತ್ತಿದ್ದ ದಲಿತರ ಹತ್ಯೆ ಈಗ ಮನೆ ಬಾಗಿಲಿಗೆ ಬಂದು ನಿಂತಿದ್ದು ಇದನ್ನು ಮಾದಿಗ ದಂಡೋರ ಖಂಡಿಸುತ್ತದೆ ಎಂದು ರಾಜ್ಯಾಧ್ಯಕ್ಷ ಪಾವಗಡ ಶ್ರೀರಾಂ ತಿಳಿಸಿದರು.
ಹುಳಿಯಾರಿನ ಪರಿವೀಕ್ಷಣಾ ಮಂದಿರದಲ್ಲಿ ಕಳೆದ ರಾತ್ರಿ ದಲಿತ ಮುಖಂಡೆ ಹೊನ್ನಮ್ಮಳ ಹತ್ಯೆ ಖಂಡಿಸಿಸುವ ಸಲುವಾಗಿ ಕರೆಯಲಾಗಿದ್ದ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡಿದರು.
ಪೊಲೀಸ್ ಇಲಾಖೆ ನಿರ್ಲಕ್ಷ್ಯದಿಂದಾಗಿ ಈ ಕೊಲೆ ನಡೆಯಲು ಕಾರಣವಾಗಿದ್ದು ಕೇವಲ ಎಎಸ್ಐಗಳನ್ನು ಅಮಾನತು ಮಾಡಿದರೆ ಸಾಲದು, ಸಂಬಂಧಪಟ್ಟ ಪಿಎಸ್ಐ ಮತ್ತು ಸಿಪಿಐ ಅವರನ್ನು ಡಿಸ್ಮಿಸ್ ಮಾಡಬೇಕು. ನಿಜವಾದ ಕೊಲೆಗಾರರು ರಾಜಕೀಯ ಮುಖಂಡರ ರಕ್ಷಣೆಯಲ್ಲಿದ್ದು ಅವರೆಲ್ಲರನ್ನು ಬಂಧಿಸಬೇಕು ಹಾಗೂ ಎಫ್ಐರ್ ಹಾಗೂ ಚಾಜ್೯ಶೀಟ್ ಹಾಕುವಾಗ ಯಾರೂ ತಪ್ಪಿಸಿಕೊಳ್ಳಲು ಅವಕಾಶವಾಗದಂತೆ ಹಾಕಬೇಕು ಎಂದು ಆಗ್ರಹಿಸಿದರು.
ಹಿರಿಯೂರಿನ ಶ್ರೀಗಳಾದ ಮಾರ್ಕಂಡೇಯ ಮಹಾಮುನಿಗಳು ಮಾತನಾಡಿ ಇತ್ತಿಚೆಗೆ ದಲಿತರ ಮೇಲಿನ ಅತ್ಯಾಚಾರ ನಿರಂತರವಾಗಿದ್ದು ಸಂಘಟನೆಗಳು ಇಬ್ಬಾಗವಾಗದೆ ಎಚ್ಚರ ವಹಿಸಿದಲ್ಲಿ ಇಂತಹ ಘಟನೆಗಳನ್ನು ತಡೆಗಟ್ಟಬಹುದಾಗಿದೆ. ಹೊನ್ನಮ್ಮನವರಿಗೆ ಆಗಿರುವ ಘಟನೆಗಳು ರಾಜ್ಯದಲ್ಲಿ ಮತ್ತೆಲ್ಲೂ ಮರುಕಳಿಸದಂತೆ ಸಕಾ೯ರ ಎಚ್ಚರ ವಹಿಸಬೇಕು ಎಂದರು.

ಹೊಸಕೆರೆ ಮಲ್ಲಿಕಾಜು೯ನ್ ಅವರು ಮಾತನಾಡಿ ಬಿಜೆಪಿ ಸಕಾ೯ರ ಅಧಿಕಾರ ವಹಿಸಿಕೊಂಡು ಅಂಬೇಡ್ಕರ್ ಪೋಟೋವನ್ನು ಕಛೇರಿಯಲ್ಲಿ ತೆಗೆದು ಹಾಕಿದ ದಿನದಿಂದಲೂ ದಲಿತರ ಮೇಲೆ ಒಂದಿಲ್ಲೊಂದು ದೌರ್ಜನ್ಯಗಳು ಆಗುತ್ತಿದೆ. ದಲಿತೆ ಹೊನ್ನಮ್ಮಳ ವಿಚಾರದಲ್ಲೂ ಗೃಹ ಇಲಾಖೆ ಎಚ್ಚರ ವಹಿಸದಿದ್ದ ಕಾರಣ ಹೊನ್ನಮ್ಮನ ಹತ್ಯೆಯಾಗಿದೆ. ಇನ್ನಾದರೂ ಯಡಿಯೂರಪ್ಪನವರೂ ಎಚ್ಚರ ವಹಿಸದಿದ್ದಲ್ಲಿ ಇದಕ್ಕೆ ತಕ್ಕ ದಂಡ ತೆತ್ತ ಬೇಕಾಗುತ್ತದೆ ಎಂದರು.

ಬಹುಜನ ಪಾಟಿ೯ಯ ರಾಜ್ಯ ವಲಯ ಸಂಚಾಲಕ ರಾಜಸಿಂಹ, ತೀರ್ಥಪುರ ಕುಮಾರ್, ಕಂಟಲಗೆರೆ ಸತೀಶ್ ಮಾತನಾಡಿದರು.

ಹೊನ್ನಮ್ಮಳ ಹತ್ಯೆ ಪ್ರಕರಣವನ್ನು ಸಿಓಡಿ ಒಪ್ಪಿಸಿ:ದೊಡ್ಡೇಗೌಡ
--------------------------------
ಹೊನ್ನಮ್ಮಳ ಹತ್ಯೆಯ ಧಾರುಣ ಘಟನೆಯ ಹಿಂದೆ ರಾಜಕಾರಣಿಗಳ ಹಾಗೂ ಅಧಿಕಾರಿಗಳ ಕೈವಾಡವಿದ್ದು ಈ ಪ್ರಕರಣ ತನಿಖೆಯನ್ನು ಸಿಓಡಿಗೆ ಒಪ್ಪಿಸಬೇಕು ಎಂದು ಕನಾ೯ಟಕ ದಲಿತ ಸಂಘರ್ಷ ಸಮಿತಿಯ ಜಿಲ್ಲಾ ಸಂಚಾಲಕ ಎಂ.ಡಿ.ದೊಡ್ಡೇಗೌಡ ಒತ್ತಾಯಿಸಿದ್ದಾರೆ.
ಹುಳಿಯಾರಿನ ಪರಿವೀಕ್ಷಣಾ ಮಂದಿರದಲ್ಲಿ ಕಳೆದ ರಾತ್ರಿ ದಲಿತ ಮುಖಂಡೆ ಹೊನ್ನಮ್ಮಳ ಹತ್ಯೆ ಖಂಡಿಸಿಸುವ ಸಲುವಾಗಿ ಕರೆಯಲಾಗಿದ್ದ ಪತ್ರಿಕಾಗೋಷ್ಠಿಯಲ್ಲಿ ಅವರು ಮಾತನಾಡಿ ಈ ಹಿಂದೆ ಹೊನ್ನಮ್ಮ ಕಂಪ್ಲೇಟ್ ನೀಡಿದ್ದರೂ ಸಹ ಹಂದನಕೆರೆ ಎ.ಎಸ್.ಐ ಗಳು ದಾಖಲಿಸಿಕೊಂಡಿಲ್ಲ. ಅಲ್ಲದೆ, ಘಟನೆ ವಿಷಯ ತಿಳಿದಿದ್ದರೂ ಮೇಲಾಧಿಕಾರಿಗಳಿಗೆ ತಿಳಿಸದೆ ತಾವೂ ರಕ್ಷಣೆ ನೀಡದೆ ನಿರ್ಲಕ್ಷ್ಯ ವಹಿಸದಿರುವುದು ಹಲವು ಅನುಮಾನಗಳಿಗೆ ಎಡೆ ಮಾಡಿಕೊಟ್ಟಿದ್ದು ತನಿಖೆಯಿಂದ ಮಾತ್ರ ಸತ್ಯ ಸಂಗತಿ ಹೊರ ಬೀಳಲು ಸಾಧ್ಯ ಎಂದು ಅಭಿಪ್ರಾಯಪಟ್ಟರು.
ಹೊನ್ನಮ್ಮಳ ಹತ್ಯೆಗೆ ಸಂಬಂಧಿಸಿದಂತೆ ಆರೋಪಿಗಳಿಗೆ ಕಾನೂನು ರೀತಿ ಉಗ್ರಶಿಕ್ಷೆ ಆಗಬೇಕಲ್ಲದೆ, ಅವರುಗಳನ್ನು ಗಡಿಪಾರು ಮಾಡಬೇಕು ಹಾಗೂ ಮೃತರ ಕುಟುಂಬಕ್ಕೆ ಕಾನೂನು ರಕ್ಷಣೆ, ಪರಿಹಾರ ಸೌಲಭ್ಯದ ಜೊತೆಗೆ ಆಕೆಯ ಪುತ್ರನಿಗೆ ಸಕಾ೯ರಿ ಉದ್ಯೋಗ ನೀಡಬೇಕು ಎಂದು ಆಗ್ರಹಿಸಿದರು.
ಮುಖ್ಯಮಂತ್ರಿಗಳು ಈ ಹಿಂದೆಯೇ ದಲಿತರ ಮೇಲೆ ಹಲ್ಲೆಯಾದಲ್ಲಿ ಜಿಲ್ಲಾಧಿಕಾರಿ, ಪೊಲೀಸ್ ವರಿಷ್ಠಾಧಿಕಾರಿ ಅವರನ್ನು ಹೊಣೆ ಮಾಡುವುದಾಗಿ ಹೇಳಿಕೆಗಳನ್ನು ನೀಡಿದರು. ಆದರೆ ಆ ಹೇಳಿಕೆಗಳು ಕೇವಲ ಪತ್ರಿಕೆಗಳಿಗೆ ಮಾತ್ರ ಸೀಮಿತವಾಗಿದ್ದು ಕೂಡಲೇ ಈ ಸಂಬಂಧ ಸಕಾ೯ರಿ ಸುತ್ತೋಲೆ ಹೊರಡಿಸಬೇಕು ಎಂದು ಹೇಳಿದರು.
ಸಭೆಯಲ್ಲಿ ತಾಲೂಕು ಸಂಚಾಲಕ ನಾರಾಯಣ್, ಸಂಘಟನಾ ಸಂಚಾಲಕ ಪಿ.ಕೃಷ್ಣಮೂತಿ೯, ಜಿಲ್ಲಾ ಖಜಾಂಜಿ ನಾರಾಯಣ್ ರಾಜ್, ಬಿ.ಎಸ್.ಮುನಿಸ್ವಾಮಿ, ಎಚ್.ಮಹಾಲಿಂಗಪ್ಪ ಹಾಗೂ ನಂದಿಹಳ್ಳಿ ಕೆಂಚಪ್ಪ ಉಪಸ್ಥಿತರಿದ್ದರು.