ಹುಳಿಯಾರು: ಮೊಬೈಲ್ ಮೂಲಕ 'ಸ್ವಯಂ ಜನಗಣತಿ'ಗೆ ಚಾಲನೆ
----------------------------
ಹುಳಿಯಾರು: 2027ರ ಜನಗಣತಿ ಪ್ರಕ್ರಿಯೆಗೆ ಪಟ್ಟಣದಲ್ಲಿ ಅಧಿಕೃತವಾಗಿ ಚಾಲನೆ ದೊರೆತಿದ್ದು, ಈ ಬಾರಿ ನಾಗರಿಕರು ತಮ್ಮ ಮಾಹಿತಿಯನ್ನು ತಾವೇ ಆನ್ಲೈನ್ ಮೂಲಕ ದಾಖಲಿಸುವ 'ಸ್ವಯಂ ಗಣತಿ' (Self Enumeration) ವ್ಯವಸ್ಥೆಯನ್ನು ಪರಿಚಯಿಸಲಾಗಿದೆ.
ಈ ಪ್ರಕ್ರಿಯೆ ಪೂರ್ಣಗೊಂಡ ನಂತರ ದೊರೆಯುವ ಅರ್ಜಿಸಂಖ್ಯೆಯನ್ನು ಏಪ್ರಿಲ್ 16ರಿಂದ ಮೇ 15ರವರೆಗೆ ಮನೆ ಮನೆಗೆ ಭೇಟಿ ನೀಡುವ ಗಣತಿದಾರರಿಗೆ ನೀಡಬೇಕು. ಇದರಿಂದ ಗಣತಿದಾರರ ಕೆಲಸ ಸುಲಭವಾಗುವುದಲ್ಲದೆ, ಕಡಿಮೆ ಅವಧಿಯಲ್ಲಿ ನಿಖರ ಮಾಹಿತಿ ಸಂಗ್ರಹಿಸಲು ಸಾಧ್ಯವಾಗಲಿದೆ ಎಂದು ತಿಳಿಸಿದರು.
--------------
"ನಮ್ಮ ಜನಗಣತಿ - ನಮ್ಮ ಅಭಿವೃದ್ಧಿ" ಎಂಬ ಧ್ಯೇಯವಾಕ್ಯದೊಂದಿಗೆ ಈ ಬಾರಿಯ ಜನಗಣತಿ ನಡೆಯುತ್ತಿದೆ. ಅಭಿವೃದ್ಧಿ ಯೋಜನೆಗಳ ರೂಪಿಸುವಿಕೆಗೆ ಜನಗಣತಿಯೇ ಬುನಾದಿ. ಹಾಗಾಗಿ, ಹುಳಿಯಾರು ಪಟ್ಟಣ ಪಂಚಾಯಿತಿ ವ್ಯಾಪ್ತಿಯ ಪ್ರತಿಯೊಬ್ಬ ನಾಗರಿಕರು ಜವಾಬ್ದಾರಿಯುತವಾಗಿ ಈ ಪ್ರಕ್ರಿಯೆಯಲ್ಲಿ ಪಾಲ್ಗೊಳ್ಳಬೇಕು. ಏಪ್ರಿಲ್ 15ರವರೆಗೆ ಆನ್ಲೈನ್ ಮೂಲಕ ಸ್ವಯಂ ಮಾಹಿತಿ ನೀಡಿ, ನಂತರ ಮನೆಗೆ ಬರುವ ಗಣತಿದಾರರಿಗೆ ಸಹಕರಿಸಿ ಈ ರಾಷ್ಟ್ರೀಯ ಕಾರ್ಯವನ್ನು ಯಶಸ್ವಿಗೊಳಿಸಬೇಕು.
– ಮಂಜುನಾಥ್, ಮುಖ್ಯಾಧಿಕಾರಿಗಳು, ಪಟ್ಟಣ ಪಂಚಾಯಿತಿ.
---------------
ಸ್ವಯಂ ಗಣತಿ ಮಾಡುವುದು ಹೇಗೆ? ಇಲ್ಲಿವೆ ಹಂತಗಳು:
ಜನಗಣತಿ ಪೋರ್ಟಲ್ನಲ್ಲಿ ನಿಮ್ಮ ವಿವರಗಳನ್ನು ದಾಖಲಿಸಲು ಈ ಕೆಳಗಿನ ಹಂತಗಳನ್ನು ಅನುಸರಿಸಿ:
ಅಧಿಕೃತ ಪೋರ್ಟಲ್: se.census.gov.in ಗೆ ಭೇಟಿ ನೀಡಿ.
ಲಾಗಿನ್: ನಿಮ್ಮ ಮೊಬೈಲ್ ಸಂಖ್ಯೆ ನಮೂದಿಸಿ ಮತ್ತು ಬರುವ ಒಟಿಪಿ (OTP) ಬಳಸಿ ಲಾಗಿನ್ ಆಗಿ.
ಸ್ಥಳ ಆಯ್ಕೆ : ನಿಮ್ಮ ನಿಖರವಾದ ವಾಸಸ್ಥಳದ ವಿವರಗಳನ್ನು ಆಯ್ಕೆ ಮಾಡಿ.
ನಕ್ಷೆಯಲ್ಲಿ ಗುರುತಿಸಿ: ಪೋರ್ಟಲ್ನಲ್ಲಿರುವ ನಕ್ಷೆಯಲ್ಲಿ ನಿಮ್ಮ ಮನೆಯನ್ನು ಸರಿಯಾಗಿ ಗುರುತು ಮಾಡಿ (ಇದು ಗಣತಿದಾರರಿಗೆ ನಿಮ್ಮ ಮನೆ ಹುಡುಕಲು ಅನುಕೂಲವಾಗುತ್ತದೆ).
ವಿವರ ಭರ್ತಿ : ಮನೆಯ ಮತ್ತು ಕುಟುಂಬ ಸದಸ್ಯರ ಅಗತ್ಯ ವಿವರಗಳನ್ನು ಭರ್ತಿ ಮಾಡಿ ಸಬ್ಮಿಟ್ ಮಾಡಿ.
ಗುರುತಿನ ಸಂಖ್ಯೆ : ಪ್ರಕ್ರಿಯೆ ಮುಗಿದ ನಂತರ ದೊರೆಯುವ *SE Reference ID* (ಅರ್ಜಿ ಸಂಖ್ಯೆ) ಯನ್ನು ಸುರಕ್ಷಿತವಾಗಿಟ್ಟುಕೊಳ್ಳಿ.
ಗಮನಿಸಿ : ಏಪ್ರಿಲ್ 16ರಿಂದ ಮೇ 15ರ ಒಳಗೆ ಗಣತಿದಾರರು ನಿಮ್ಮ ಮನೆಗೆ ಬಂದಾಗ ಈ ಸಂಖ್ಯೆಯನ್ನು ನೀಡಿ ದೃಢೀಕರಿಸಿದಾಗ ಮಾತ್ರ ನಿಮ್ಮ ಸ್ವಯಂ ಗಣತಿ ಪೂರ್ಣಗೊಳ್ಳುತ್ತದೆ. ಹೆಚ್ಚಿನ ಮಾಹಿತಿಗಾಗಿ ತಾಲೂಕು ಕಚೇರಿ ಅಥವಾ ಪಟ್ಟಣ ಪಂಚಾಯಿತಿ ಜನಗಣತಿ ಕೇಂದ್ರವನ್ನು ಸಂಪರ್ಕಿಸಬಹುದು.
------------
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ