ಗಡುವು ಮುಗಿದರೂ ಸ್ಥಳಾಂತರಿಸದ ಟವರ್ ವಿದ್ಯುತ್ ಸಂಪರ್ಕ ಕಡಿತ
------------------------
ಜನವಸತಿ ಪ್ರದೇಶದಲ್ಲಿ ಮೊಬೈಲ್ ಟವರ್ ನಿರ್ಮಿಸಿದಲ್ಲದೆ ಇದರ ಸೂಕ್ತ ನಿರ್ವಹಣೆಗೆ ವಿಫಲರಾಗಿ ಆಗಾಗ್ಗೆ ಸಮಸ್ಯೆಗೆ ಕಾರಣವಾಗುತ್ತಿದ್ದ ಟವರ್ ನವರಿಗೆ ನೀಡಿದ್ದ ಅಂತಿಮ ಗಡುವು ನೀಡಿದ್ದಾಗ್ಯೂ ಸ್ಥಳಾಂತರಿಸದೆ ನಿರ್ಲಕ್ಷ್ಯ ವಹಿಸಿದ್ದಾರೆಂದು ಆರೋಪಿಸಿ ಟವರ್ ಗೆ ಸರಬರಾಜಾಗುತ್ತಿದ್ದ ವಿದ್ಯುತ್ ಸಂಪರ್ಕವನ್ನು ಗ್ರಾಮ ಪಂಚಾಯ್ತಿಯವರು ಕಡಿತಗೊಳಿಸಿದ ಘಟನೆ ಹುಳಿಯಾರಿನಲ್ಲಿ ನಡೆದಿದೆ.
ಹುಳಿಯಾರಿನ ಜನವಸತಿ ಪ್ರದೇಶದಲ್ಲಿ ಸ್ಥಾಪಿಸಿರುವ ಮೊಬೈಲ್ ಟವರ್ ಸ್ಥಳಾಂತರವಾಗಬೇಕೆಂದು ವಿದ್ಯುತ್ ಸಂಪರ್ಕ ಕಡಿತಗೊಳಿಸಲಾಯಿತು.ಈ ಸಂದರ್ಭದಲ್ಲಿ ಬಡಾವಣೆಯ ಸಾಕಷ್ಟು ಜನ ಸೇರಿದ್ದರು. |
|
|
ಸಮಸ್ಯೆ ಏನು: ಜನ ವಸತಿ ಪ್ರದೇಶದಲ್ಲಿ ದೂರ ಸಂಪರ್ಕ ಸ್ಥಾವರ ಅಳವಡಿಸಲು ನ್ಯಾಯಾಲಯ ಕೆಲವೊಂದು ಷರತ್ತುಗಳನ್ನು ವಿಧಿಸಿದ್ದು ದೂರಸಂಪರ್ಕ ಸ್ಥಾವರ ನಿರ್ಮಿಸಲು ಸ್ಥಳಿಯ ಪಂಚಾಯ್ತಿ ಪರವಾನಿಗೆ ಅಗತ್ಯವಾಗಿದ್ದು ಸಾರ್ವಜನಿಕ ಸುರಕ್ಷತೆ ಹಾಗೂ ಆರೋಗ್ಯದ ಅಂಶಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಆದೇಶವಿದೆ.ಹಾಗಿದ್ದು ಕೂಡ ಬೆಂಗಳೂರಿನ ಇಂಡಸ್ ಟವರ್ಸ್ ಸಂಸ್ಥೆಯವರು ಪಟ್ಟಣದ ನಾಲ್ಕನೇ ಬ್ಲಾಕಿನಲ್ಲಿ ನಿರ್ಮಿಸಿರುವ ಟವರ್ ಗೆ ಸೂಕ್ತ ಸುರಕ್ಷತ ಕ್ರಮ ಕೈಗೊಂಡಿಲ್ಲ ಹಾಗೂ ಯಾವುದೋ ಜಾಗದ ಪರವಾನಿಗೆ ಪಡೆದು ಸುಳ್ಳು ಮಾಹಿತಿ ನೀಡಿ ಟವರ್ ನಿರ್ಮಿಸಿದ್ದಾರೆಂಬುದು ಇಲ್ಲಿನ ನಿವಾಸಿಗಳ ಹಾಗೂ ಸದಸ್ಯ ಧನುಶ್ ರಂಗನಾಥ್ ಅವರ ಆರೋಪಿಸಿದರು.
ಗ್ರಾಮ ಪಂಚಾಯ್ತಿಯ ಪರವಾನಗಿ ಪಡೆಯದೆ ನಿರ್ವಹಣೆಯಲ್ಲಿ ನಿರ್ಲಕ್ಷ್ಯ ವಹಿಸಿರುವ ಇವರಿಗೆ ಗ್ರಾಪಂಯವರು ಸದರಿ ಸ್ಥಳದಿಂದ ಸ್ಥಳಾಂತರಗೊಳ್ಳಲು ಮೂರು ತಿಂಗಳ ಗಡುವು ನೀಡಿ ನೋಟಿಸ್ ನೀಡಿದ್ದರು, ಅಲ್ಲದೆ ಸದರಿ ಜಾಗ ನೀಡಿದ್ದ ಮಾಲೀಕರು ಕೂಡ ಕರಾರು ರದ್ದುಪಡಿಸಿ ಟವರ್ ವರ್ಗಾಯಿಸಿಕೊಳ್ಳಿ ಎಂದು ತಿಳಿಸಿದ್ದರು.. ಇಷ್ಟೆಲ್ಲಾ ಆದರೂ ಕೂಡ ಈ ಬಗ್ಗೆ ಗಮನ ಮಾಡದಿದ್ದ ಟವರ್ ಸಂಸ್ಥೆಯವರ ಮೇಲೆ ಕ್ರಮಕ್ಕೆ ಮುಂದಾದ ಗ್ರಾಮಪಂಚಾಯ್ತಿಯವರು ಟವರ್ ಗೆ ನೀಡಲಾಗಿದ್ದ ವಿದ್ಯುತ್ ಸಂಪರ್ಕ ಕಡಿತಗೊಳಿಸಿದರು.
ವಿಷಯ ತಿಳಿದ ಸಂಸ್ಥೆಯವರು ಸ್ಥಳಕ್ಕಾಗಮಿಸಿ ಟವರ್ ಆಫ್ ಆದರೆ ಎಲ್ಲಾ ಗ್ರಾಹಕರಿಗೂ ಅನಾನುಕೂಲವಾಗಲಿದೆ.ಅಲ್ಲದೆ ಈಗಾಗಲೆ ಬೇರೊಂದು ಸ್ಥಳ ನೋಡಿದ್ದು ಅಲ್ಲಿ ಟವರ್ ಸ್ಥಾಪನೆಗೆ ಸಾಯಿಲ್ ಟೆಸ್ಟ್ ಮತ್ತಿತರ ಅನುಮತಿಗಾಗಿ ಕನಿಷ್ಟ ಅರವತ್ತು ದಿನಗಳ ಕಾಲಾವಕಾಶ ಕೋರಿದ್ದರ ಮೇರೆಗೆ ಮುವತ್ತು ಸಾವಿರ ಅಭಿವೃದ್ಧಿ ಶುಲ್ಕವೆಂದು ಕಟ್ಟಿಸಿಕೊಂಡು ಮುಂದಿನ ಮೂರು ತಿಂಗಳ ಗಡುವು ನೀಡಲಾಯಿತು.
ಆರೋಪ: ಸದರಿ ಸ್ಥಳದಲ್ಲಿ ಎರಡು ಟವರ್ ಗಳಿದ್ದು ಒಂದಕ್ಕೆ ಮಾತ್ರ ಪುನಃ ವಿದ್ಯುತ್ ಸಂಪರ್ಕ ಕಲ್ಪಿಸಿ ಮತ್ತೊಂದಕ್ಕೆ ನಿರಾಕರಿಸಿದ್ದಾರೆಂದು ಸದಸ್ಯ ರಾಘವೇಂದ್ರ,ಜಬೀಉಲ್ಲಾ,ಮಾಜಿ ಸದಸ್ಯರಾದ ಅಶೋಕ್ ಬಾಬು ಆರೋಪಿಸಿದ್ದು ಈ ಎರಡು ಟವರ್ ಗಳು ಇಲ್ಲಿಂದ ಸ್ಥಾಳಾಂತರವಾಗಲೇ ಬೇಕೆಂದು ಒತ್ತಾಯಿಸಿದ್ದಾರೆ.
ಈ ಸಂದರ್ಭದಲ್ಲಿ ನ್ಗ್ರಾ.ಪಂ. ಸದಸ್ಯರುಗಳಾದ ರಂಗನಾಥ್, ದಯಾನಂದ್, ಬೇಕರಿ ಧರ್ಮರಾಜ್, ಜಯಕರ್ನಾಟಕ ಗೂಬೆಹಳ್ಳಿಚಂದ್ರು, ಮೋಹನ್‌ಕುಮಾರ ರೈ, ಇಮ್ರಾಜ್ ,ಬೆಸ್ಕಾಂನ ಎಸ್‌ಓ ಉಮೇಶ್ ನಾಯ್ಕ, ಮೂರ್ತಿ ಮತ್ತಿತರರು ಇದ್ದರು.
-------------------------------
ಇಂಡಸ್ ಟವರ್ಸ್ ನವರಿಂದ ಮುವತ್ತು ಸಾವಿರ ಅಭಿವೃದ್ಧಿ ಶುಲ್ಕ ಪಾವತಿಸಿಕೊಂಡಿದ್ದು ಅದರಂತೆ ಮತ್ತೊಂದು ಟವರ್ ನವರು ಕೂಡ ಅಷ್ಟೆ ಶೂಲ್ಕ ಪಾವತಿಸಿ ಮುಂದಿನ ಮೂರು ತಿಂಗಳಿನೊಳಗಾಗಿ ಇಲ್ಲಿಂದ ಸ್ಥಳಾಂತರಗೊಳ್ಳಲಿ.ಸಾರ್ವಜನಿಕ ಸುರಕ್ಷತೆ ಹಾಗೂ ಆರೋಗ್ಯದ ದೃಷ್ಟಿಯಿಂದ ಯಾವುದೇ ಟವರ್ ನವರಿಗೂ ನಮ್ಮ ನಾಲ್ಕನೇ ಬ್ಲಾಕಿನಲ್ಲಿ ಅವಕಾಶಕೊಡುವುದಿಲ್ಲ.-ಧನುಷ್ ರಂಗನಾಥ್
-------------------------------
ಟವರ್ ವಿದ್ಯುತ್ ಸಂಪರ್ಕ ಕಡಿತಗೊಳಿಸಿದ್ದು ಸರಿಯಷ್ಟೆ.ಆದರೆ ಏಕಾಏಕಿ ಇಂಡಸ್ ಟವರ್ಸ್ ನವರಿಂದ ಅಭಿವೃದ್ಧಿ ಶುಲ್ಕವೆಂದು ಮುವತ್ತು ಸಾವಿರ ಪಾವತಿಸಿಕೊಂಡು ಇದೇ ಜಾಗದಲ್ಲಿ ಮುಂದುವರಿಯಲು ಅವಕಾಶ ಕೊಟ್ಟಿದ್ದು ಸರಿಯಲ್ಲ.ಅಲ್ಲದೆ ಪಂಚಾಯ್ತಿಯಿಂದ ಸರ್ವ ಸದಸ್ಯರುಗಳು ತೀರ್ಮಾನಿಸಿ ತೆಗೆದುಕೊಳ್ಳಬೇಕಾದ ತೀರ್ಮಾನವನ್ನು ಕೇವಲ ಒಬ್ಬರೆ ಸದಸ್ಯರು ತೆಗೆದುಕೊಂಡಿದ್ದು ತಪ್ಪು.ಒಂದು ಕಂಪನಿಗೆ ವಿದ್ಯುತ್ ಸಂಪರ್ಕ ಕಲ್ಪಿಸಿ ಮತ್ತೊಂದು ಟವರ್ ನವರಿಗೆ ನಿರಾಕರಿಸಿರುವುದು ಸರಿಯಲ್ಲ: ರಾಘವೇಂದ್ರ ,ಗ್ರಾಪಂ ಸದಸ್ಯ
-------------------------------------
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ