ಎನ್.ಎಸ್.ಎಸ್ ಶಿಬಿರದ ವಿಡಿಯೋ ಸಿ.ಡಿ.ಬಿಡುಗಡೆ

ಹುಳಿಯಾರ್-ಕೆಂಕೆರೆ ಬಿ.ಎಂ.ಎಸ್ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ೨೦೧೧-೧೨ನೇ ಸಾಲಿನ ಎನ್.ಎಸ್.ಎಸ್ ಸೇವಾ ಶಿಬಿರದ ಪ್ರತಿನಿತ್ಯದ ಕಾರ್ಯ ವೈಖರಿಗಳನ್ನೊಳಗೊಂಡ ವಿಡಿಯೋ ಸಿ.ಡಿ ಯನ್ನು ಕಾಲೇಜಿನ ಪ್ರಾಚಾರ್ಯ ಎಂ.ಎನ್.ನಾಗರಾಜ್ ಬಿಡುಗಡೆ ಮಾಡಿದರು.

ಇಲ್ಲಿನ ಬಿ.ಎಂ.ಎಸ್ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ೨೦೧೧-೧೨ನೇ ಸಾಲಿನ ಎನ್.ಎಸ್.ಎಸ್ ಸೇವಾ ಶಿಬಿರವನ್ನು ನಂದಿಹಳ್ಳಿಯಲ್ಲಿ ಹಮ್ಮಿಕೊಂಡಿದ್ದು,ಶಿಬಿರದ ಪ್ರತಿನಿತ್ಯದ ಕಾರ್ಯ ವೈಖರಿಗಳು ಹಾಗೂ ಶಿಬಿರಾರ್ಥಿಗಳನ್ನು ಕೈಗೊಂಡಿದ್ದ ಕೆಲಸಗಳು ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳ ಸಂಪೂರ್ಣ ಚಿತ್ರಣವನ್ನೊಳಗೊಂಡ ವಿಡಿಯೋ ಸಿ.ಡಿ ಯನ್ನು ಕಾಲೇಜಿನ ಪ್ರಾಚಾರ್ಯ ಎಂ.ಎನ್.ನಾಗರಾಜ್ ಬಿಡುಗಡೆ ಮಾಡಿದರು.

ವಿಡಿಯೋ ಸಿ.ಡಿ ಬಿಡುಗಡೆ ಮಾಡಿ ಮಾತನಾಡಿದ ಅವರು,ಈ ಸಿಡಿಯು ಎನ್.ಎಸ್.ಎಸ್ ಶಿಬಿರದಲ್ಲಿ ಶಿಬಿರಾರ್ಥಿಗಳ, ಶಿಬಿರಾಧಿಕಾರಿಗಳ ಹಾಗೂ ಶಿಬಿರಕ್ಕೆ ಆಗಮಿಸಿದ್ದ ಅತಿಥಿಗಳ ಅನುಭವಗಳಾನ್ನು ಶಾಶ್ವತವಾಗಿರಿಸುವುದರ ಜೊತೆಗೆ ವಿದ್ಯಾರ್ಥಿಗಳ ಮುಂದಿನ ಜೀವನಕ್ಕೆ ಮಾರ್ಗದರ್ಶಕವಾಗಿದೆ ಎಂದರು.

ಸಮಾರಂಭ ಉದ್ಘಾಟಿಸಿದ ಕನ್ನಡ ಉಪನ್ಯಾಸಕ ಎಸ್.ಶಂಕರಲಿಂಗಯ್ಯ ಮಾತನಾಡಿ, ಹಿಂದಿನ ಭವ್ಯ ಸ್ಮಾರಕಗಳಿಂದ ಇಂದು ನಾವು ಅಂದಿನ ಇತಿಹಾಸ,ಸಂಸ್ಕೃತಿಯನ್ನು ಹಾಗೂ ನಾಗರೀಕತೆಯ ವಾಸ್ತವ ಚಿತ್ರಣವನ್ನು ತಿಳಿಯುತ್ತಿದ್ದೇವೆ.ಅದರಂತೇ ಹಿಂದೆ ನಡೆದು ಹೋದ ವಿಷಯಗಳ ಬಗ್ಗೆ ಮುಂದಿನವರಿಗೆ ತಿಳಿಸಬೇಕಾದರೆ ಇಂತಹ ಕುರುಹುಗಳು ಅತ್ಯಗತ್ಯ.ಈ ನಿಟ್ಟಿನಲ್ಲಿ ಎನ್.ಎಸ್.ಎಸ್ ಶಿಬಿರದ ವಿಡಿಯೋ ಸಿ.ಡಿ. ಎನ್.ಎಸ್.ಎಸ್ ಶಿಬಿರದಲ್ಲಿನ ವಿವಿಧ ಕಾರ್ಯ ಚಟುವಟಿಕೆಗಳನ್ನು,ವಿದ್ಯಾರ್ಥಿಗಳ ಸೇವಾ ಮನೋಭಾವವನ್ನು ತಿಳಿಯುವಂತೆ ಮಾಡಿ,ವಿದ್ಯಾರ್ಥಿಗಳಲ್ಲಿ ನಿರಂತರ ರಾಷ್ಟ್ರೀಯ ಸೇವಾ ಮನೋಭಾವ ಮೂಡಲು ಪ್ರೇರಣೆಯಾಗಿದೆ ಎಂದು ತಿಳಿಸುತ್ತಾ,ಈ ಶಿಬಿರದ ಯಶಸ್ವಿಗೆ ಸಹಕಾರಿಯಾದ ಎಲ್ಲರಿಗೂ ಕೃತಜ್ಞತೆ ತಿಳಿಸಿದರು.

ಎನ್.ಎಸ್.ಎಸ್ ಶಿಬಿರಾಧಿಕಾರಿಗಳಾದ ಸಯ್ಯದ್ ಇಬ್ರಾಹಿಂ,ಜಯಪ್ರಕಾಶ್,ಉಪನ್ಯಾಸಕ ಹನುಮಂತಯ್ಯ ಹಾಜರಿದ್ದ ಸಮಾರಂಭದಲ್ಲಿ ,ವಿದ್ಯಾರ್ಥಿನಿ ಕಾವ್ಯ ಪ್ರಾರ್ಥಿಸಿ,ವಂದಿಸಿದರು.