ಕೇವಲ 18 ತಿಂಗಳಲ್ಲಿಯೇ ಎಚ್ಎಫ್ (ಮಿಶ್ರತಳಿ) ಹಸುವೊಂದು ಕರುವಿಗೆ ಜನ್ಮ ನೀಡಿದ ಅಪರೂಪದ ಸಂಗತಿ ಹುಳಿಯಾರು ಹೋಬಳಿ ಕಂಪನಹಳ್ಳಿ ಗ್ರಾಮದಲ್ಲಿ ದಾಖಲಾಗಿದೆ.
ಸಾಮಾನ್ಯವಾಗಿ ಹಸುಗಳು 18 ತಿಂಗಳಿಗೆ ಪ್ರೌಢಾವಸ್ಥೆ ತಲುಪಿ ಅಲ್ಲಿಂದ 9 ತಿಂಗಳ ನಂತರ ಅಂದರೆ 27 ತಿಂಗಳಿಗೆ ಕರುವಿಗೆ ಜನ್ಮ ನೀಡುತ್ತವೆ. ಆದರೆ ಕಂಪನಹಳ್ಳಿ ಕೆ.ಡಿ.ರಂಗನಾಥ್ ಅವರ ಹಸು ಮಾತ್ರ ಕೇವಲ 9 ತಿಂಗಳಲ್ಲೇ ಪ್ರೌಢಾವಸ್ಥೆ ತಲುಪಿ 18 ತಿಂಗಳಿಗೆ ಮೊದಲನೇ ಕರುವಿಗೆ ಜನ್ಮ ನೀಡಿ ಅಚ್ಚರಿಗೆ ಕಾರಣವಾಗಿದೆ.
ಇಲ್ಲಿನ ಪಶು ಆಸ್ಪತ್ರೆ ವ್ಯಾಪ್ತಿಯಲ್ಲಿ ಇದುವರೆವಿಗೂ ಹೆಚ್ಚಾಗಿ ಹಸುಗಳಲ್ಲಿ ಅನೀಮಿಯ, ಲವಣಾಂಶದ ಕೊರತೆ, ಜೀವಸತ್ವದ ಕೊರತೆ ಹಾಗೂ ಜಂತು ಹುಳು ಬಾದೆ ಕಂಡುಬಂದು 18 ತಿಂಗಳಾದರೂ ಪ್ರೌಢಾವಸ್ಥೆ ತಲುಪುತ್ತಿರಲಿಲ್ಲ. ಅಲ್ಲೊಂದು ಇಲ್ಲೊಂದರಂತೆ ಎಚ್ಎಫ್ ಹಸುಗಳು 11 ರಿಂದ 12 ತಿಂಗಳಲ್ಲಿ ಪ್ರೌಢಾವಸ್ಥೆ ತಲುಪಿ ಕರು ಹಾಕಿದ್ದು ಕಂಡುಬಂದಿದ್ದು ಕೇವಲ 9 ತಿಂಗಳಲ್ಲೇ ಪ್ರೌಢಾವಸ್ಥೆ ತಲುಪಿ 18 ತಿಂಗಳಲ್ಲಿ ಕರುಹಾಕಿರುವುದು ಇದೇ ಮೊದಲನೇಯದಾಗಿದೆ.
ಹೆಚ್ಚು ಗಿಣ್ಣದ ಹಾಲು ಕುಡಿಸಿರುವುದು, ಉತ್ತಮ ಹಿಂಡಿ, ಬೂಸ, ಹಸಿರು ಮೇವು ಕೊಟ್ಟಿರುವುದು ಹಾಗೂ ಕಾಲಕಾಲಕ್ಕೆ ಜಂತುನಾಶಕ ಔಷಧಿ ಹಾಕಿಸಿರುವುದು, ಅಲ್ಲದೆ ದನದಕೊಟ್ಟಿಗೆಯನ್ನು ಸ್ವಚ್ಚವಾಗಿ ಇಟ್ಟು ಬೆಳೆಸಿರುವುದರಿಂದ ಬಹು ಬೇಗ ಹಸು ಪ್ರೌಢಾವಸ್ಥೆ ತಲುಪಿ ಕರು ಹಾಕಿದೆ ಎಂದು ಇಲ್ಲಿನ ಪಶು ಆಸ್ಪತ್ರೆ ಸಹಾಯಕ ನಿರ್ದೇಶಕ ಹಾಗೂ ಈ ಹಸು ಸಾಕಾಣಿಕೆಯ ಮಾರ್ಗದರ್ಶಕರಾದ ಡಾ.ಜೆ.ಸಿ.ಮಂಜುನಾಥ್ ಅವರು ತಿಳಿಸಿದ್ದಾರೆ.
ಸಾಮಾನ್ಯವಾಗಿ ಹಸುಗಳು 18 ತಿಂಗಳಿಗೆ ಪ್ರೌಢಾವಸ್ಥೆ ತಲುಪಿ ಅಲ್ಲಿಂದ 9 ತಿಂಗಳ ನಂತರ ಅಂದರೆ 27 ತಿಂಗಳಿಗೆ ಕರುವಿಗೆ ಜನ್ಮ ನೀಡುತ್ತವೆ. ಆದರೆ ಕಂಪನಹಳ್ಳಿ ಕೆ.ಡಿ.ರಂಗನಾಥ್ ಅವರ ಹಸು ಮಾತ್ರ ಕೇವಲ 9 ತಿಂಗಳಲ್ಲೇ ಪ್ರೌಢಾವಸ್ಥೆ ತಲುಪಿ 18 ತಿಂಗಳಿಗೆ ಮೊದಲನೇ ಕರುವಿಗೆ ಜನ್ಮ ನೀಡಿ ಅಚ್ಚರಿಗೆ ಕಾರಣವಾಗಿದೆ.
ಇಲ್ಲಿನ ಪಶು ಆಸ್ಪತ್ರೆ ವ್ಯಾಪ್ತಿಯಲ್ಲಿ ಇದುವರೆವಿಗೂ ಹೆಚ್ಚಾಗಿ ಹಸುಗಳಲ್ಲಿ ಅನೀಮಿಯ, ಲವಣಾಂಶದ ಕೊರತೆ, ಜೀವಸತ್ವದ ಕೊರತೆ ಹಾಗೂ ಜಂತು ಹುಳು ಬಾದೆ ಕಂಡುಬಂದು 18 ತಿಂಗಳಾದರೂ ಪ್ರೌಢಾವಸ್ಥೆ ತಲುಪುತ್ತಿರಲಿಲ್ಲ. ಅಲ್ಲೊಂದು ಇಲ್ಲೊಂದರಂತೆ ಎಚ್ಎಫ್ ಹಸುಗಳು 11 ರಿಂದ 12 ತಿಂಗಳಲ್ಲಿ ಪ್ರೌಢಾವಸ್ಥೆ ತಲುಪಿ ಕರು ಹಾಕಿದ್ದು ಕಂಡುಬಂದಿದ್ದು ಕೇವಲ 9 ತಿಂಗಳಲ್ಲೇ ಪ್ರೌಢಾವಸ್ಥೆ ತಲುಪಿ 18 ತಿಂಗಳಲ್ಲಿ ಕರುಹಾಕಿರುವುದು ಇದೇ ಮೊದಲನೇಯದಾಗಿದೆ.
ಹೆಚ್ಚು ಗಿಣ್ಣದ ಹಾಲು ಕುಡಿಸಿರುವುದು, ಉತ್ತಮ ಹಿಂಡಿ, ಬೂಸ, ಹಸಿರು ಮೇವು ಕೊಟ್ಟಿರುವುದು ಹಾಗೂ ಕಾಲಕಾಲಕ್ಕೆ ಜಂತುನಾಶಕ ಔಷಧಿ ಹಾಕಿಸಿರುವುದು, ಅಲ್ಲದೆ ದನದಕೊಟ್ಟಿಗೆಯನ್ನು ಸ್ವಚ್ಚವಾಗಿ ಇಟ್ಟು ಬೆಳೆಸಿರುವುದರಿಂದ ಬಹು ಬೇಗ ಹಸು ಪ್ರೌಢಾವಸ್ಥೆ ತಲುಪಿ ಕರು ಹಾಕಿದೆ ಎಂದು ಇಲ್ಲಿನ ಪಶು ಆಸ್ಪತ್ರೆ ಸಹಾಯಕ ನಿರ್ದೇಶಕ ಹಾಗೂ ಈ ಹಸು ಸಾಕಾಣಿಕೆಯ ಮಾರ್ಗದರ್ಶಕರಾದ ಡಾ.ಜೆ.ಸಿ.ಮಂಜುನಾಥ್ ಅವರು ತಿಳಿಸಿದ್ದಾರೆ.
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ