ಹಿಂದೆ ಅಳತೆಯ ಬಳಕೆ ಸೇರು,ಪಾವು,ಚಟಾಕು ಹೀಗೆ ನಾನಾ ರೀತಿಯಿತ್ತು.ಅದರೀಗ ಅವುಗಳು ಬದಲಿಗೆ ಲೀಟರ್,ಮಿಲಿ ಲೀಟರ್ ಮಾತ್ರ ಚಾಲ್ತಿಯಲ್ಲಿದೆ.ಈಗಿನವರಿಗೆ ಸೇರಿನ ಅಳತೆ ಬಗ್ಗೆ ಹೆಚ್ಚು ಕಡಿಮೆ ತಿಳಿದೆ ಇಲ್ಲ ಎನ್ನಬಹುದು.ಅದೇ ರೀತಿ ಇಂಚು,ಅಡಿ,ಮೈಲುಗಳ ಬದಲಿಗೆ ಕಿಮೀ,ಮೀ,ಸೆಂ.ಮೀ ಬಳಕೆಯಲ್ಲಿದ್ದು ಎಲ್ಲರಿಗೂ ಸುಲಭದಲ್ಲಿ ಅರ್ಥವಾಗುತ್ತದೆ.ಜಾಗತೀಕವಾಗಿ ಈಗ ಎಸ್ ಐ ಸಿಸ್ಟಮ್ ಬಳಕೆಯಲ್ಲಿದ್ದು ಕಾನೂನು ಮಾಪನ ಶಾಸ್ತ್ರ ಇಲಾಖೆ ಹೇಳುವಂತೆ ದಿ ಲೀಗಲ್‌ ಮೆಟ್ರಾಲಜಿ ಕಾಯ್ದೆ 2009 ಸೆಕ್ಷನ್‌ 11 (1) (ಸಿ) ಪ್ರಕಾರ ಇಂಚು, ಅಡಿ ಮಾಪನಗಳು ನಿಷಿದ್ಧ.ಇದನ್ನು ಬಳಕೆ ಮಾಡಿದರೆ ದಂಡ ಹಾಕಬಹುದು.ಆದರೂ ಕೂಡ ಟಿವಿ ಜಾಹೀರಾತುಗಳಲ್ಲಿ ನಮ್ಮ ಹೊಸ ಟಿವಿ ಇಷ್ಟು ಇಂಚು/ ಅಡಿ ಇದೆಯೆಂಬ ಲೆಕ್ಕದಲ್ಲಿ ಗಾತ್ರವನ್ನು ನಮೂದಿಸುವುದನ್ನು ಕಾಣಬಹುದು. ಈ ಬಗ್ಗೆ ಉದಯವಾಣಿ ಪತ್ರಿಕೆಯಲ್ಲಿ ಹಿಲರಿ ಕ್ರಾಸ್ತಾ Feb 21, ೨೦೧೨ ರಲ್ಲಿ ಬರೆದ ಲೇಖನ ಗಮನ ಸೆಳೆಯುವಂತಿದ್ದು ಈ ಬಗ್ಗೆ ತಮ್ಮ ಪ್ರತಿಕ್ರಿಯೆಗಾಗಿ ಅದನ್ನು ಇಲ್ಲಿ ನೀಡಲಾಗಿದೆ.
ಭಾರತದಲ್ಲಿ ಇಂಚು, ಅಡಿ ಮಾಪನ ನಿಷಿದ್ಧ !
* ಹಿಲರಿ ಕ್ರಾಸ್ತಾ Feb 21, 2012
ಮಂಗಳೂರು: ಭಾರತದಲ್ಲಿ ಇಂಚು, ಅಡಿ ಮಾಪನಗಳು ನಿಷಿದ್ಧವೇ? ಕಾನೂನು ಮಾಪನ ಶಾಸ್ತ್ರ ಇಲಾಖೆ ಹೇಳುವಂತೆ ದಿ ಲೀಗಲ್‌ ಮೆಟ್ರಾಲಜಿ ಕಾಯ್ದೆ 2009 ಸೆಕ್ಷನ್‌ 11 (1) (ಸಿ) ಪ್ರಕಾರ ಈ ಮಾಪನಗಳು ನಿಷಿದ್ಧ. ಮಿಲಿ ಮೀಟರ್‌, ಸೆಂಟಿ ಮೀಟರ್‌, ಮೀಟರ್‌, ಕಿಲೋ ಮೀಟರ್‌ ಇತ್ಯಾದಿ ಮೆಟ್ರಿಕ್‌ ಮೂಲ ಮಾಪನಗಳು ಮಾತ್ರ ಪ್ರಮಾಣ ಬದ್ಧ.
ಸೆಂಟಿ ಮೀಟರ್‌, ಮೀಟರ್‌ ಮಾಪನಗಳು ಜನಸಾಮಾನ್ಯರಿಗೆ ಚಿರಪರಿಚಿತ ಹಾಗೂ ಇವುಗಳು ಸುಲಭವಾಗಿ ಅರ್ಥ ಮಾಡಿಕೊಳ್ಳಬಹುದಾದ ಮಾಪನಗಳಾಗಿವೆ; ಹಾಗಾಗಿ ಇವುಗಳನ್ನು ಪ್ರಮಾಣ ಬದ್ಧ (ಸ್ಟಾ ಂಡರ್ಡ್‌) ಎಂದು ಕೇಂದ್ರ ಸರಕಾರ ಗುರುತಿಸಿದೆ ಎನ್ನುವುದು ಕಾನೂನು ಮಾಪನ ಶಾಸ್ತ್ರ ಇಲಾಖೆಯ ಅಧಿಕಾರಿಗಳ ಅಭಿಪ್ರಾಯ.
ಇಂಚು ಮತ್ತು ಅಡಿ ಮಾಪನಗಳು ಪ್ರಮಾಣಬದ್ಧವಲ್ಲದ ಮೂಲ ಮಾಪನಗಳಾಗಿದ್ದು, ಮಾಧ್ಯಮಗಳಲ್ಲಿ ಜಾಹೀರಾತು ಪ್ರಕಟನೆ ನೀಡುವಾಗ ಟಿ.ವಿ.ಗಳ ಗಾತ್ರವನ್ನು ಇಂಚು ಮಾಪನದಲ್ಲಿ ನಮೂದಿಸಲಾಗಿದೆ ಎಂಬ ಕಾರಣಕ್ಕಾಗಿ ಕಾನೂನು ಮಾಪನ ಶಾಸ್ತ್ರ ಇಲಾಖೆಯ ಅಧಿಕಾರಿಗಳು ಸಂಬಂಧಪಟ್ಟ ವಿತರಣಾ ಸಂಸ್ಥೆಗೆ ನೋಟಿಸ್‌ ನೀಡಿ 5000 ರೂ. ದಂಡ ಪಾವತಿಸುವಂತೆ ಸೂಚಿಸುತ್ತಿದ್ದಾರೆ,ಸ್ಥಳದಲ್ಲಿಯೇ ದಂಡ ಪಾವತಿಸಲು ಸಾಧ್ಯವಾಗದಿದ್ದರೆ ನಿಗದಿತ ದಿನಾಂಕದೊಳಗೆ ಕಚೇರಿಗೆ ತೆರಳಿ ದಂಡ ತೆರಬೇಕು. ದಂಡ ತೆರಲು ತಪ್ಪಿದರೆ ಪ್ರಕರಣ ನ್ಯಾಯಾಲಯದ ಮೆಟ್ಟಲು ಏರುತ್ತದೆ.
ವಿಚಿತ್ರ ಎಂದರೆ ಬಹುತೇಕ ವ್ಯಾಪಾರಸ್ಥರಿಗೆ/ ವಿತರಕರಿಗೆ ಇಂಚು, ಅಡಿ ಮಾಪನವನ್ನು ನಮೂದಿಸಬಾರದು ಎಂಬ ಸಂಗತಿ ತಿಳಿದಿಲ್ಲ. ಇಲಾಖೆಯ ಅಧಿಕಾರಿಗಳು ಮಾಧ್ಯಮಗಳಲ್ಲಿ ಜಾಹೀರಾತು ಪ್ರಕಟವಾದ ಕೂಡಲೇ ಅದರಲ್ಲಿ ಇಂಚು/ ಅಡಿ ಲೆಕ್ಕದಲ್ಲಿ ಗಾತ್ರವನ್ನು ನಮೂದಿಸಿದ್ದರೆ ಸಂಬಂಧ ಪಟ್ಟ ಡೀಲರ್‌ಗಳ ಕಚೇರಿಗೆ ತೆರಳಿ ನೋಟಿಸ್‌ ಕೊಡುತ್ತಾರೆ. ಇಂಚು/ಅಡಿ ಮಾಪನವನ್ನು ನಮೂದಿಸ ಬಾರದು ಎಂದು ಮುಂಚಿತವಾಗಿ ತಿಳುವಳಿಕೆ ನೋಟಿಸ್‌ ಕಳುಹಿಸುವುದಿಲ್ಲ.
'ಇಂಚು/ ಅಡಿ ಮಾಪನವನ್ನು ನಮೂದಿಸಬಾರದು; ಸೆಂಟಿ ಮೀಟರ್‌ ಮಾಪನವನ್ನೇ ನಮೂದಿಸಬೇಕು ಎಂದು ಮುಂಚಿತವಾಗಿ ತಿಳಿಸದೆ ನೇರವಾಗಿ ದಂಡ ವಸೂಲಿಗೆ ಮುಂದಾಗುವುದು ಸರಿಯಲ್ಲ ಎನ್ನುವುದು ವಿತರಕರ ಅಭಿಪ್ರಾಯ.ಸೆಂಟಿ ಮೀಟರ್‌/ ಮೀಟರ್‌ ಇತ್ಯಾದಿ ಪ್ರಮಾಣ ಬದ್ಧವಾದ ಮಾಪನವನ್ನು ಮಾತ್ರ ನಮೂದಿಸ ಬೇಕು ಎಂಬ ವಿಷಯ ಕಾಯ್ದೆಯಲ್ಲಿದೆ. 1985 ರಿಂದ ಈ ಕಾಯ್ದು ಜಾರಿಯಲ್ಲಿದೆ. ಕಾಯ್ದೆಯನ್ನು ವಿತರಕರು ತಿಳಿದುಕೊಂಡಿರಬೇಕೇ ಹೊರತು ಈ ಕುರಿತಂತೆ ಮುಂಚಿತವಾಗಿ ನೋಟಿಸ್‌/ತಿಳುವಳಿಕೆ ಕೊಡುವ ಪದ್ಧತಿ ಇಲ್ಲ ಎಂದು ಕಾನೂನು ಮಾಪನ ಇಲಾಖೆಯ ಮಂಗಳೂರಿನ ನಿರೀಕ್ಷಕರಾದ ಗಜೇಂದ್ರ ಹೇಳುತ್ತಾರೆ.
ಟಿ.ವಿ. ತಯಾರಕರಿಗೆ ಈ ವಿಷಯ ಗೊತ್ತಿದೆ. ಅವರು ಸೆಂಟಿ ಮೀಟರ್‌ ಮಾಪನವನ್ನು ನಮೂದಿಸುತ್ತಾರೆ. ಆದರೆ ವಿತರಕರು ಮಾತ್ರ ತಿಳಿಯದೆಯೊ ಅಥವಾ ತಿಳಿದೋ ಇಂಚು ಮಾಪನವನ್ನು ನಮೂದಿಸುತ್ತಾರೆ. ಮಂಗಳೂರಿನಲ್ಲಿ ಕೆಲವು ವಿತರಕರಿಗೆ ಎರಡು- ಮೂರು ಬಾರಿ ಮುನ್ಸೂಚನೆ ನೀಡಿದ ಬಳಿಕವೂ ಅವರು ಮತ್ತೆ ಇಂಚು ಮಾಪನವನ್ನೇ ನಮೂದಿಸಿದ್ದಾರೆ. ಹಾಗಾಗಿ ಅವರಿಗೆ ದಂಡ ವಿಧಿಸಲಾಗಿದೆ ಎಂದು ವಿವರಿಸಿದ್ದಾರೆ.
ಮೇಲಿನ ಆರ್ಟಿಕಲ್ ಓದಿದ ಮೇಲೆ ನಿಮೇಗೇನನ್ನಿಸಿತು ?
ಭಾರತದಲ್ಲಿ ಇಂಚು, ಅಡಿ ಮಾಪನ ನಿಷಿದ್ಧ !
* ಹಿಲರಿ ಕ್ರಾಸ್ತಾ Feb 21, 2012
ಮಂಗಳೂರು: ಭಾರತದಲ್ಲಿ ಇಂಚು, ಅಡಿ ಮಾಪನಗಳು ನಿಷಿದ್ಧವೇ? ಕಾನೂನು ಮಾಪನ ಶಾಸ್ತ್ರ ಇಲಾಖೆ ಹೇಳುವಂತೆ ದಿ ಲೀಗಲ್‌ ಮೆಟ್ರಾಲಜಿ ಕಾಯ್ದೆ 2009 ಸೆಕ್ಷನ್‌ 11 (1) (ಸಿ) ಪ್ರಕಾರ ಈ ಮಾಪನಗಳು ನಿಷಿದ್ಧ. ಮಿಲಿ ಮೀಟರ್‌, ಸೆಂಟಿ ಮೀಟರ್‌, ಮೀಟರ್‌, ಕಿಲೋ ಮೀಟರ್‌ ಇತ್ಯಾದಿ ಮೆಟ್ರಿಕ್‌ ಮೂಲ ಮಾಪನಗಳು ಮಾತ್ರ ಪ್ರಮಾಣ ಬದ್ಧ.
ಸೆಂಟಿ ಮೀಟರ್‌, ಮೀಟರ್‌ ಮಾಪನಗಳು ಜನಸಾಮಾನ್ಯರಿಗೆ ಚಿರಪರಿಚಿತ ಹಾಗೂ ಇವುಗಳು ಸುಲಭವಾಗಿ ಅರ್ಥ ಮಾಡಿಕೊಳ್ಳಬಹುದಾದ ಮಾಪನಗಳಾಗಿವೆ; ಹಾಗಾಗಿ ಇವುಗಳನ್ನು ಪ್ರಮಾಣ ಬದ್ಧ (ಸ್ಟಾ ಂಡರ್ಡ್‌) ಎಂದು ಕೇಂದ್ರ ಸರಕಾರ ಗುರುತಿಸಿದೆ ಎನ್ನುವುದು ಕಾನೂನು ಮಾಪನ ಶಾಸ್ತ್ರ ಇಲಾಖೆಯ ಅಧಿಕಾರಿಗಳ ಅಭಿಪ್ರಾಯ.
ಇಂಚು ಮತ್ತು ಅಡಿ ಮಾಪನಗಳು ಪ್ರಮಾಣಬದ್ಧವಲ್ಲದ ಮೂಲ ಮಾಪನಗಳಾಗಿದ್ದು, ಮಾಧ್ಯಮಗಳಲ್ಲಿ ಜಾಹೀರಾತು ಪ್ರಕಟನೆ ನೀಡುವಾಗ ಟಿ.ವಿ.ಗಳ ಗಾತ್ರವನ್ನು ಇಂಚು ಮಾಪನದಲ್ಲಿ ನಮೂದಿಸಲಾಗಿದೆ ಎಂಬ ಕಾರಣಕ್ಕಾಗಿ ಕಾನೂನು ಮಾಪನ ಶಾಸ್ತ್ರ ಇಲಾಖೆಯ ಅಧಿಕಾರಿಗಳು ಸಂಬಂಧಪಟ್ಟ ವಿತರಣಾ ಸಂಸ್ಥೆಗೆ ನೋಟಿಸ್‌ ನೀಡಿ 5000 ರೂ. ದಂಡ ಪಾವತಿಸುವಂತೆ ಸೂಚಿಸುತ್ತಿದ್ದಾರೆ,ಸ್ಥಳದಲ್ಲಿಯೇ ದಂಡ ಪಾವತಿಸಲು ಸಾಧ್ಯವಾಗದಿದ್ದರೆ ನಿಗದಿತ ದಿನಾಂಕದೊಳಗೆ ಕಚೇರಿಗೆ ತೆರಳಿ ದಂಡ ತೆರಬೇಕು. ದಂಡ ತೆರಲು ತಪ್ಪಿದರೆ ಪ್ರಕರಣ ನ್ಯಾಯಾಲಯದ ಮೆಟ್ಟಲು ಏರುತ್ತದೆ.
ವಿಚಿತ್ರ ಎಂದರೆ ಬಹುತೇಕ ವ್ಯಾಪಾರಸ್ಥರಿಗೆ/ ವಿತರಕರಿಗೆ ಇಂಚು, ಅಡಿ ಮಾಪನವನ್ನು ನಮೂದಿಸಬಾರದು ಎಂಬ ಸಂಗತಿ ತಿಳಿದಿಲ್ಲ. ಇಲಾಖೆಯ ಅಧಿಕಾರಿಗಳು ಮಾಧ್ಯಮಗಳಲ್ಲಿ ಜಾಹೀರಾತು ಪ್ರಕಟವಾದ ಕೂಡಲೇ ಅದರಲ್ಲಿ ಇಂಚು/ ಅಡಿ ಲೆಕ್ಕದಲ್ಲಿ ಗಾತ್ರವನ್ನು ನಮೂದಿಸಿದ್ದರೆ ಸಂಬಂಧ ಪಟ್ಟ ಡೀಲರ್‌ಗಳ ಕಚೇರಿಗೆ ತೆರಳಿ ನೋಟಿಸ್‌ ಕೊಡುತ್ತಾರೆ. ಇಂಚು/ಅಡಿ ಮಾಪನವನ್ನು ನಮೂದಿಸ ಬಾರದು ಎಂದು ಮುಂಚಿತವಾಗಿ ತಿಳುವಳಿಕೆ ನೋಟಿಸ್‌ ಕಳುಹಿಸುವುದಿಲ್ಲ.
'ಇಂಚು/ ಅಡಿ ಮಾಪನವನ್ನು ನಮೂದಿಸಬಾರದು; ಸೆಂಟಿ ಮೀಟರ್‌ ಮಾಪನವನ್ನೇ ನಮೂದಿಸಬೇಕು ಎಂದು ಮುಂಚಿತವಾಗಿ ತಿಳಿಸದೆ ನೇರವಾಗಿ ದಂಡ ವಸೂಲಿಗೆ ಮುಂದಾಗುವುದು ಸರಿಯಲ್ಲ ಎನ್ನುವುದು ವಿತರಕರ ಅಭಿಪ್ರಾಯ.ಸೆಂಟಿ ಮೀಟರ್‌/ ಮೀಟರ್‌ ಇತ್ಯಾದಿ ಪ್ರಮಾಣ ಬದ್ಧವಾದ ಮಾಪನವನ್ನು ಮಾತ್ರ ನಮೂದಿಸ ಬೇಕು ಎಂಬ ವಿಷಯ ಕಾಯ್ದೆಯಲ್ಲಿದೆ. 1985 ರಿಂದ ಈ ಕಾಯ್ದು ಜಾರಿಯಲ್ಲಿದೆ. ಕಾಯ್ದೆಯನ್ನು ವಿತರಕರು ತಿಳಿದುಕೊಂಡಿರಬೇಕೇ ಹೊರತು ಈ ಕುರಿತಂತೆ ಮುಂಚಿತವಾಗಿ ನೋಟಿಸ್‌/ತಿಳುವಳಿಕೆ ಕೊಡುವ ಪದ್ಧತಿ ಇಲ್ಲ ಎಂದು ಕಾನೂನು ಮಾಪನ ಇಲಾಖೆಯ ಮಂಗಳೂರಿನ ನಿರೀಕ್ಷಕರಾದ ಗಜೇಂದ್ರ ಹೇಳುತ್ತಾರೆ.
ಟಿ.ವಿ. ತಯಾರಕರಿಗೆ ಈ ವಿಷಯ ಗೊತ್ತಿದೆ. ಅವರು ಸೆಂಟಿ ಮೀಟರ್‌ ಮಾಪನವನ್ನು ನಮೂದಿಸುತ್ತಾರೆ. ಆದರೆ ವಿತರಕರು ಮಾತ್ರ ತಿಳಿಯದೆಯೊ ಅಥವಾ ತಿಳಿದೋ ಇಂಚು ಮಾಪನವನ್ನು ನಮೂದಿಸುತ್ತಾರೆ. ಮಂಗಳೂರಿನಲ್ಲಿ ಕೆಲವು ವಿತರಕರಿಗೆ ಎರಡು- ಮೂರು ಬಾರಿ ಮುನ್ಸೂಚನೆ ನೀಡಿದ ಬಳಿಕವೂ ಅವರು ಮತ್ತೆ ಇಂಚು ಮಾಪನವನ್ನೇ ನಮೂದಿಸಿದ್ದಾರೆ. ಹಾಗಾಗಿ ಅವರಿಗೆ ದಂಡ ವಿಧಿಸಲಾಗಿದೆ ಎಂದು ವಿವರಿಸಿದ್ದಾರೆ.
ಮೇಲಿನ ಆರ್ಟಿಕಲ್ ಓದಿದ ಮೇಲೆ ನಿಮೇಗೇನನ್ನಿಸಿತು ?
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ