ಜೈಮಿನಿ ಭಾರತ ಕವಿ ಲಕ್ಷ್ಮೀಶನ ದೇವನೂರು

ಹುಳಿಯಾರು ಸಮೀಪಸ ಕಂಪನಹಳ್ಳಿ ಬಳಿ ತಿರುವಿನಲ್ಲಿ ಡ್ರೈವರ್ ನ ಅಜಾಗರೂಕತೆಯಿಂದ ಆಯಾತಪ್ಪಿ ಬಿದ್ದಿರುವ ಶಿವಗಂಗಾ ಬಸ್.

ಬಸ್ ಒಂದು ಪಲ್ಟಿ ಹೊಡೆದು,ಬಸ್ಸಿನಲ್ಲಿದ್ದ ಮೂವರಿಗೆ ತೀವ್ರ ಗಾಯಗಳಾಗಿರುವ ಘಟನೆ ಶಿರಾ ಹುಳಿಯಾರು ಮಾರ್ಗದಲ್ಲಿ ಬರುವ ಹುಳಿಯಾರಿನಿಂದ ಸುಮಾರು ನಾಲ್ಕೈದು ಕೀ.ಮೀ ದೂರದ ಕಂಪನಹಳ್ಳಿ ಬಳಿ ಮಾ.13ರ ಮಂಗಳವಾರ ರಾತ್ರಿ ಸುಮಾರು 10 ರ ಸಮಯದಲ್ಲಿ ಸಂಭವಿಸಿದೆ.

ಕೊಂಡಳಿಕ್ರಾಸ್ ಸಮೀಪದ ಎನ್.ಹೊಸಳ್ಳಿ ಗ್ರಾಮದ ವಧುವಿನ ಮನೆಯಿಂದ ಸಂಬಂಧಿಕರನ್ನು ಕಾರೇಹಳ್ಳಿಯಲ್ಲಿ ನಡೆಯಲಿದ್ದ ಮದುವೆಗೆ ಕಾರ್ಯಕ್ಕೆ ಕರೆದುಕೊಂಡು ಬಂದಿದ್ದ ಶಿವಗಂಗಾ ಬಸ್ , ಸಂಬಂಧಿಕರನ್ನು ಕಾರೆಹಳ್ಳಿಯಲ್ಲಿ ಇಳಿಸಿ, ಡಿಸೇಲ್ ಹಾಕಿಸಲೆಂದು ಡ್ರೈವರು ಸೇರಿದಂತೆ ಮೂವರು ಹುಳಿಯಾರಿಗೆ ಬಂದಿದ್ದು,ಬಸ್ ಗೆ ಡಿಸೇಲ್ ಹಾಕಿಸಿಕೊಂಡು ಪುನ: ಕಾರೇಹಳ್ಳಿಗೆ ವಾಪಸಾಗಿದ್ದು, ಕಂಪನಹಳ್ಳಿ ಸಮೀಪದ ತಿರುವಿನಲ್ಲಿ ಡ್ರೈವರ್ ನ ಅಜಾಗರೂಕತೆಯಿಂದ ಬಸ್ ಆಯಾತಪ್ಪಿ ರಸ್ತೆಯ ಎಡ ಭಾಗಕ್ಕೆ ಉರುಳಿ ಬಿದ್ದು,ತುಮಕೂರಿನ ಡ್ರೈವರು ಮಾರುತಿ,ಹೊಸಳ್ಳಿಯ ರಂಗನಾಥ ಹಾಗೂ ಅದೇ ಗ್ರಾಮದ ಮತ್ತೊಬ್ಬ ವ್ಯಕ್ತಿಗೆ ತೀವ್ರಗಾಯಗಳಾಗಿದ್ದು,ಆಸ್ಪತ್ರೆಗೆ ದಾಖಲಿಸಲಾಗಿದೆ.ಜಿಲ್ಲಾ ಆಸ್ಪತ್ರೆಯಲ್ಲಿ ಹೆಚ್ಚಿನ ಚಿಕಿತ್ಸೆ ಪಡೆಯುತ್ತಿದ್ದಾರೆ.ಎ.ಎಸ್.ಐ.ಕೃಷ್ಣಮೂರ್ತಿ ಚಾರ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿ,ಠಾಣೆಯಲ್ಲಿ ದೂರು ದಾಖಲಿಸಿ ಕೊಂಡಿದ್ದಾರೆ.