(ಫೋಟೊ ವಿವರ:ಹುಳಿಯಾರು ಗ್ರಾ.ಪಂ.ಚುನಾವಣೆಯಲ್ಲಿ ಐದನೇ ಬಾರಿ ಜಯಗಳಿಸಿರುವ ಶಿವಲಿಂಗಮ್ಮ, ಹ್ಯಾಟ್ರಿಕ್ ಗೆಲುವು ಪಡೆದಿರುವ ಅಶೋಕ್ ಬಾಬು, ಎಚ್.ಆರ್.ರಂಗನಾಥ್, ಜಹೀರ್ ಸಾಬ್)ಶಿವಲಿಂಗಮ್ಮ ಹುಳಿಯಾರು ಗ್ರಾ.ಪಂ ಹಿರಿಯಕ್ಕ
3 ಮಂದಿಯ ಹ್ಯಾಟ್ರಿಕ್ ದಾಖಲೆ
---------------------------------
ಸ್ಪರ್ಧಿಸಿರುವ ಎಲ್ಲಾ ಚುನಾವಣೆಗಳಲ್ಲೂ ಸೋಲೆಂಬುದನ್ನು ಕಾಣದೆ ಗೆಲುವಿನ ಸೋಪಾನವೇರುತ್ತ ಬಂದಿರುವ ಮಾರುತಿನಗರದ ಶಿವಲಿಂಗಮ್ಮನಿಗೆ ಈ ಚುನಾವಣೆಯಲ್ಲೂ ಮತದಾರರು ಕೈ ಹಿಡಿಯುವದರೊಂದಿಗೆ 5 ನೇ ಬಾರಿಗೆ ದಾಖಲೆಯೊಂದಿಗೆ ಆಯ್ಕೆಯಾಗುವ ಮೂಲಕ ಹುಳಿಯಾರು ಗ್ರಾ.ಪಂಚಾಯ್ತಿಗೆ ಹಿರಿಯಕ್ಕನಾಗುವ ಸೌಭಾಗ್ಯ ಒದಗಿಬಂದಿದೆ.ಈ ಚುನಾವಣೆಯಲ್ಲಿ ಈಕೆಗೆ ಐದನೇ ಭಾರಿ ಜಯ ಒಲಿದರೆ ಇನ್ನಿತರ ಮೂರು ಮಂದಿಗೆ ಹ್ಯಾಟ್ರಿಕ್ ಹಾಗೂ ಆರು ಮಂದಿಗೆ ಎರಡನೇ ಬಾರಿಯ ಜಯದ ಬಾಗಿಲು ತೆರೆದು ದಾಖಲೆಯಾಗಿದೆ.
5 ನೇ ಬಾರಿ ಸದಸ್ಯೆ : ಹುಳಿಯಾರು ಗ್ರಾಮಪಂಚಾಯ್ತಿಯಲ್ಲಿ ಕೆಲವೆ ಮಂದಿಯನ್ನು ಹೊರತು ಪಡಿಸಿ ಮತ್ತಿನ್ಯಾರೂ ಎರಡನೇ ಬಾರಿ ಗೆಲುವು ಕಂಡಿಲ್ಲ.ಅಂತಹದರಲ್ಲಿ 5 ನೇ ಬಾರಿಯೂ ಗೆಲುವೂ ಸಾಧಿಸುವ ಮುಖಾಂತರ ಗ್ರಾಪಂ ಖಾಯಂ ಸದಸ್ಯೆಯಾಗಿರುವ ಶಿವಲಿಂಗಮ್ಮ ಈ ಬಾರಿಯ ಪಂಚಾಯ್ತಿಯಲ್ಲಿ ಅತ್ಯಂತ ಹಿರಿಯ ಸದಸ್ಯೆ. 84-85 ನೇ ಸಾಲಿನಲ್ಲಿ ಮಂಡಲ ಪಂಚಾಯ್ತಿ ಚುನಾವಣೆಯಲ್ಲಿ 2 ನೇ ಬ್ಲಾಕಿನಲ್ಲಿ ಗೆಲುವು ಸಾಧಿಸುವ ಮೂಲಕ ರಾಜಕೀಯ ಪ್ರವೇಶಿಸಿದ ಎಚ್.ಎಂ.ಶಿವಲಿಂಗಮ್ಮ ನಂತರ 90-91 ರಲ್ಲಿ ನಡೆದ ಚುನಾವಣೆಯಲ್ಲಿ ಅವಿರೋಧವಾಗಿ ಆಯ್ಕೆಯಾದರು,95ರಲ್ಲಿ ಕೌಟಂಬಿಕ ಕಾರಣಗಳಿಂದ ಸ್ಪರ್ಧಿಸಲ್ಲಿಕ್ಕಾಗದೆ ಆನಂತರದ 2001-02 ಹಾಗೂ 2005-06 ನೇ ಸಾಲಿನ ಚುನಾವಣೆಯಲ್ಲಿ ಗೆದ್ದು ಈಗ ಮತ್ತೊಮ್ಮೆ ಚುನಾವಣಾ ಕಣಕ್ಕೆ ಧುಮುಕಿ ಇಲ್ಲೂ ಗೆಲುವನ್ನು ಸಾಧಿಸಿ ಸತತ ೩ ನೇ ಗೆಲುವು ಹಾಗೂ ಒಟ್ಟಾರೆಯಾಗಿ ಐದನೇ ಗೆಲುವು ದಾಖಲಿಸುವ ಮೂಲಕ ಹುಳಿಯಾರು ಗ್ರಾಮ ಪಂಚಾಯ್ತಿ ಇತಿಹಾಸದಲ್ಲಿಯೇ ಐದು ಬಾರಿ ಗೆದ್ದ ಏಕೈಕ ವ್ಯಕ್ತಿ ಎಂಬ ಕೀರ್ತಿಗೆ ಪಾತ್ರರಾಗಿದ್ದಾರೆ.
ಇವರನ್ನು ಹೊರತು ಪಡಿಸಿದರೆ ಇಲ್ಲಿನ 4 ನೇ ಬ್ಲಾಕಿನಿಂದ ಸತತ 3 ನೇ ಬಾರಿ ಸ್ಪರ್ರ್ಧಿಸಿದ್ದ ಧನುಷ್ ರಂಗನಾಥ್, ತಂದೆಯ ಅಕಾಲಿಕ ಮರಣದ ನಂತರ ಅನಿರಿಕ್ಷಿತವಾಗಿ ರಾಜಕೀಯ ಪ್ರವೇಶ ಮಾಡಿದ ಎಚ್.ಎಂ.ಅಶೋಕ್ ಬಾಬು ಹಾಗೂ ಮಾಜಿ ಉಪಾಧ್ಯಕ್ಷ ಸೈಯದ್ ಜಹೀರ್ ಅವರುಗಳು ಕಳೆದ 3 ಚುನಾವಣೆಗಳಲ್ಲೂ ಜಯದ ಹಾದಿ ಹಿಡಿದು ಹ್ಯಾಟ್ರಿಕ್ ದಾಖಲೆ ದಾಖಲಿಸಿದ್ದಾರೆ.
ತಮ್ಮ ಗೆಲುವಿನ ಬಗ್ಗೆ ಪ್ರತಿಕ್ರಿಯಿಸುತ್ತಾ ತಂತಮ್ಮ ಬ್ಲಾಕಿನ ಅಭಿವೃದ್ಧಿ ಬಗ್ಗೆ ತಾವೂ ಗಮನ ನೀಡುತ್ತ ಬಂದಿರುವುದೇ ಸತತವಾಗಿ ಕಳೆದ ೧೫ ವರ್ಷಗಳಿಂದಲ್ಲೂ ಮತದಾರರು ತಮ್ಮ ಮೇಲೆ ವಿಶ್ವಾಸವಿಟ್ಟು ಗೆಲ್ಲಿಸಲು ಕಾರಣ ಎನ್ನುವ ಇವರುಗಳು ಗೆಲುವಿನಿಂದಾಗಿ ಜವಬ್ಧಾರಿ ಹೆಚ್ಚಿಗಿದ್ದು ಇನ್ನಷ್ಟು ಅಭಿವೃದ್ದಿ ಕಾರ್ಯಗಳನ್ನು ಕೈಗೆತ್ತಿಕೊಳ್ಳುವ ಮೂಲಕ ಮತದಾರರ ಆಶಯ ಈಡೇರಿಸುವುದಾಗಿ ತಿಳಿಸಿದರು.
ಇನ್ನುಳಿದಂತೆ ಕಳೆದ ಬಾರಿ ಸದಸ್ಯರಾಗಿದ್ದ ಎಸ್.ಪುಟ್ಟರಾಜು, ಅಹಮದ್ ಖಾನ್, ಸೈಯದ್ ಜಬೀಉಲ್ಲಾ ಅವರುಗಳು ಸತತ ಎರಡನೇ ಗೆಲುವು ದಾಖಲಿಸಿದರೆ ಹಸೀನಾಬಾನು, ಅಭೀದುನ್ನೀಸಾ, ಪರ್ಹಾನ ಒಂದು ಚುನಾವಣೆ ಗ್ಯಾಪ್ ನಂತರ ಎರಡನೇ ಗೆಲುವು ತಮ್ಮದಾಗಿಸಿಕೊಂಡಿದ್ದಾರೆ.
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ