ಈ ಮಾರ್ಗದಲ್ಲಿ ಬೆರಳೇಣಿಕೆಯಷ್ಟು ಆಗೊಮ್ಮೆ ಈಗೊಮ್ಮೆ ಖಾಸಗಿ ಖಾಸಗಿ ಬಸ್ ಗಳು ಸಂಚರಿಸುತ್ತವಾದರೂ ಅಲ್ಲಿಗೆ ಬರುವಷ್ಟರಲ್ಲೇ ಬಸ್ ಭರ್ತಿಯಾಗುವುದರಿಂದ ಕೈಆಡ್ಡ ಹಾಕಿದರೂ ನಿಲ್ಲಿಸುವ ಗೋಜಿಗೆ ಹೋಗುವುದಿಲ್ಲ. ಇನ್ನೂ ಸಂಚರಿಸುವ ಸರ್ಕಾರಿ ಬಸ್ಸು ಕಣಿವೆ ಕ್ರಾಸಿನಿಂದ ನೇರವಾಗಿ ತಿಮ್ಮನಹಳ್ಳಿ ಹಾಗು ರಾಮನಹಳ್ಳಿಗೆ ಸಂಚರಿಸುತ್ತದೆಯಾದ್ದರಿಂದ ಉಪಯೋಗವಾಗುವುದಿಲ್ಲ.ಸರ್ಕಾರಿ ಬಸ್ಸು ಹೆಚ್ಚಿನ ಗ್ರಾಮಗಳ ಸಂಪರ್ಕ ರಸ್ತೆಯಲ್ಲಿ ಚಲಿಸದೆ ಗ್ರಾಮಗಳ ಸಂಪರ್ಕವೇಯಿಲ್ಲದ ರಸ್ತೆಯಲ್ಲಿ ಚಲಿಸುವುದರಿಂದ ಉಪಯೋಗವಾಗುವುದಿಲ್ಲ.
ಈ ಮಾರ್ಗವಾಗಿ ಸಂಚರಿಸುವ ಸರ್ಕಾರಿ ಬಸ್ಸು ಕಣಿವೆ ಕ್ರಾಸಿನಿಂದ ನೇರವಾಗಿ ತಿಮ್ಮನಹಳ್ಳಿ ಹಾಗು ರಾಮನಹಳ್ಳಿ ಸಂಚರಿಸುವ ಬದಲು ಕಣಿವೆಕ್ರಾಸಿನಿಂದ ಬೆಳವಾಡಿ ತಿಮ್ಮನಹಳ್ಳಿ ಮಾರ್ಗವಾಗಿ ತೆರಳುವಂತೆ ಸಂಬಂದಪಟ್ಟ ಸಾರಿಗೆಇಲಾಖೆ ತಿಳಿಸುವಂತೆ ಹಿಂದಿನಿಂದಲೂ ಮನವಿ ಮಾಡುತ್ತಾ ಬಂದಿದ್ದರೂ ಇಲಾಖೆ ಒಮ್ಮೆ ಮಾರ್ಗದ ಸರ್ವೆ ಕಾರ್ಯ ನಡೆಸಿದ್ದು ಬಿಟ್ಟರೆ ಮತ್ತೆ ಈ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ.
ಗ್ರಾಮಸ್ಥರ ಮನವಿಗೆ ಈಗಲೂ ಸಾರಿಗೆ ಇಲಾಖೆ ಸ್ಪಂದಿಸದಿದ್ದಲ್ಲಿ ರೈತ ಸಂಘ ,ಮಹಿಳಾ ಸಂಘಟನೆಗಳು ಹಾಗು ಗ್ರಾಮಸ್ಥರು ಒಟ್ಟಾಗೆ ಪ್ರತಿಭಟನೆಯ ಹಾದಿ ಹಿಡೀಯಬೇಕಾಗುತ್ತದೆ ಎಂದು ಸಿ.ಬಿ.ಎಸ್ ಮಾರುತಿ ಯುವಕ ಸಂಘದ ಅಧ್ಯಕ್ಷ ಕುಮಾರ್ ಸ್ವಾಮಿ ಎಚ್ಚರಿಸಿದ್ದಾರೆ.
ಕಾಮೆಂಟ್‌ಗಳು
ಕಾಮೆಂಟ್‌ ಪೋಸ್ಟ್‌ ಮಾಡಿ