ಧಾರ್ಮಿಕ ಜಾಗೃತಿಗೆ ಕುಪ್ಪೂರು ಶ್ರೀಗಳ ಪಾದಯಾತ್ರೆ

             ಹುಳಿಯಾರು  ಹೋಬಳಿ ಕೆಂಕೆರೆ ಗ್ರಾಮದ ಪುರದಮಠದಲ್ಲಿ ನಡೆದ ಶಿವಪೂಜಾನುಷ್ಠಾನ ಹಾಗೂ ಮೌನಾನುಷ್ಠಾನ ಕಾರ್ಯ ನಡೆಸಿದ ಕುಪ್ಪೂರುಗದ್ದಿಗೆ ಮಠದ ಶ್ರೀಡಾ.ಯತೀಶ್ವರಶಿವಾಚಾರ್ಯ ಮಹಾಸ್ವಾಮಿಯವರು ಪೂಜಾಕಾರ್ಯದ ಮುಕ್ತಾಯದನಂತರ ಪುರದಮಠದಗವಿಯಿಂದ ಕೆಂಕೆರೆ ಗ್ರಾಮಕ್ಕೆ ಪಾದಯಾತ್ರೆ ನಡೆಸಿದರು.

ಹುಳಿಯಾರು ಹೋಬಳಿ ಪುರದಮಠದ ಗವಿಯಿಂದ ಕೆಂಕೆರೆಗೆ ಕಾಳಮ್ಮದೇವಿಯವರೊಂದಿಗೆ ಕುಪ್ಪೂರು ಶ್ರೀಡಾ.ಯತೀಶ್ವರಶಿವಾಚಾರ್ಯಮಹಾಸ್ವಾಮಿ, ನರೇಂದ್ರಬಾಬುಶರ್ಮಾಜಿಯವರು ಪಾದಯಾತ್ರೆ ನಡೆಸಿದರು.

ಶ್ರೀಗಳ ಶಿವಪೂಜಾನುಷ್ಠಾನ ಕಾರ್ಯದ ಮುಕ್ತಾಯಕ್ಕೆ ಆಗಮಿಸಿದ ಬೃಹತ್ ಬ್ರಹ್ಮಾಂಡ ಖ್ಯಾತಿಯ ನರೇಂದ್ರಬಾಬು ಶರ್ಮಾಜಿಯವರೂ ಸಹ ಶ್ರೀಗಳೊಂದಿಗೆ ಕೆಂಕೆರೆಯವರೆಗೆ ಸುಮಾರು ನಾಲ್ಕೈದು ಕಿ.ಮೀ ಹೆಜ್ಜೆ ಹಾಕಿದರು. ಗ್ರಾಮದೇವತೆ ಕಾಳಮ್ಮನವರೊಂದಿಗೆ ಶ್ರೀಗಳು ಸೇರಿ ಅಪಾರ ಸಂಖ್ಯೆಯ ಭಕ್ತಾಧಿಗಳು ಕಾಲ್ನಡಿಗೆಯಲ್ಲಿ ಸಾಗಿದರು. ಕೆಂಕೆರೆಗೆ ಆಗಮಿಸಿದ ಅವರುಗಳನ್ನು ಭಕ್ತಾಧಿಗಳು ಸ್ವಾಗತಿಸಿ ವೀರಗಾಸೆ ನೃತ್ಯದೊಂದಿಗೆ ಪಟ್ಟಣದ ಪ್ರಮುಖ ಬೀದಿಯಲ್ಲಿ ಸಾಗಿ ಅಂತಿಮವಾಗಿ ಶ್ರೀಚನ್ನಬಸವೇಶ್ವರಸ್ವಾಮಿ ಹಾಗೂ ಕಾಳಮ್ಮದೇವಿಯ ದೇವಾಲಯಕ್ಕೆ ತೆರಳಿ ಪೂಜೆ ಸಲ್ಲಿಸಿದರು. ಶ್ರೀಗಳ ದರ್ಶನಕ್ಕೆ ಕೆಂಕೆರೆ ಹಾಗೂ ಸುತ್ತಮುತ್ತಲಿನ ಭಕ್ತಾಧಿಗಳು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿದ್ದರು. ಪಾದಯಾತ್ರೆಯ ನಂತರ ಶ್ರೀಗಳನ್ನು ಬೈಕ್ ರ್ಯಾಲಿಮೂಲಕ ಕುಪ್ಪೂರುಗದ್ದಿಗೆಗೆ ಬೀಳ್ಕೊಡಲಾಯಿತು.