ಮಂಗಳಗೌರಿ ವ್ರತಾಚರಣೆ

          ಶ್ರಾವಣ ಮಾಸದ ಮೊದಲ ಹಬ್ಬವಾಗಿ ಮಂಗಳವಾರದಂದು ಸುಮಂಗಲಿಯರು ಮಂಗಳಗೌರಿ ವ್ರತ ಆಚರಿಸಿದರು.

          ಪಾರ್ವತಿದೇವಿಯ ಕೃಪೆ ಸದಾ ನಮ್ಮಮೇಲಿದ್ದು, ಮುತ್ತೈದೆ ಭಾಗ್ಯ ಕಲ್ಪಿಸಲಿ ಎಂದು ಹೆಣ್ಣುಮಕ್ಕಳು ಈ ವ್ರತವನ್ನು ಆಚರಿಸುವ ಪರಿಪಾಠವಿದೆ. ಶ್ರಾವಣ ಮಾಸದ ಮೊದಲನೇ ಮಂಗಳವಾರದಿಂದ ಕಡೆ ಮಂಗಳವಾರದವರೆಗೆ ಬರುವ ನಾಲ್ಕು ಮಂಗಳವಾರವೂ ಈ ವ್ರತಾಚರಣೆ ನಡೆಯುತ್ತದೆ. ಹೊಸದಾಗಿ ಮದುವೆಯಾದ ಹೆಣ್ಣುಮಕ್ಕಳು ಹೆಚ್ಚಾಗಿ ಈ ವ್ರತ ಆಚರಿಸುವುದಿದ್ದು, ಮುಂದಿನ ಐದು ವರ್ಷದ ವರೆಗೆ ವ್ರತವನ್ನು ಶ್ರದ್ಧಾಭಕ್ತಿಯಿಂದ ಆಚರಿಸುತ್ತಾರೆ.

         ಮಂಗಳಸ್ನಾನ ಮಾಡಿ ಗೌರಿವಿಗ್ರಹ ಪ್ರತಿಷ್ಠಾಪಿಸಿ,ಕಳಸ ಸ್ಥಾಪಿನೆ ಮಾಡಿ ಅಲಂಕರಿಸಿ ಪೂಜಿಸಲಾಗುತ್ತದೆ. ಮಹಾಮಂಗಳಾರತಿ ನಂತರ ಮಂಗಳಗೌರಿ ಕಥೆಯನ್ನು ಪಠನೆ ಮಾಡಿಸುವುದಲ್ಲದೆ, ಆಗಮಿಸಿದ ಮುತ್ತೈದೆಯರಿಗೆ ಫಲ ತಾಂಬೂಲ ಸಮರ್ಪಿಸಲಾಗುತ್ತದೆ.