ಬಿಎಂಎಸ್ ಕಾಲೇಜಿನ ನೂತನ ಪ್ರಾಚಾರ್ಯರಾಗಿ ಪ್ರೋ.ಡಿ.ದೇವಿರಮ್ಮ

           ಹುಳಿಯಾರು-ಕೆಂಕೆರೆ ಸರ್ಕಾರಿ ಬಿಎಂಎಸ್ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜಿನ ನೂತನ ಪ್ರಾಂಶುಪಾಲರಾಗಿ ಪ್ರೋ.ಡಿ.ದೇವಿರಮ್ಮ ಬುಧವಾರದಂದು ಅಧಿಕಾರ ಸ್ವೀಕರಿಸಿದರು.

ಹುಳಿಯಾರು-ಕೆಂಕೆರೆ ಸರ್ಕಾರಿ ಬಿಎಂಎಸ್ ಕಾಲೇಜಿನ ನೂತನ ಪ್ರಾಂಶುಪಾಲರಾಗಿ ಅಧಿಕಾರ ಸ್ವೀಕರಿಸಿದ ಪ್ರೋ.ಡಿ.ದೇವಿರಮ್ಮ ಅವರನ್ನು ಕಾಲೇಜು ಸಿಬ್ಬಂದಿಯವರು ಸ್ವಾಗತಿಸಿದರು.

                ಕಾಲೇಜಿನ ಅಧ್ಯಾಪಕವರ್ಗ ಹಾಗೂ ಬೋಧಕೇತರ ವರ್ಗದವರನ್ನು ಪರಿಚಯ ಮಾಡಿಕೊಂಡು ಮಾತನಾಡಿದ ಅವರು , ಕಳೆದ 22 ವರ್ಷಗಳ ಕಾಲೇಜು ಇತಿಹಾಸದಲ್ಲಿ ಮೊದಲ ಮಹಿಳಾ ಪ್ರಾಂಶುಪಾಲರಾಗಿ ನಾನು ಇಲ್ಲಿಗೆ ನೇಮಕವಾಗಿ ಬಂದಿರುವುದು ತಮಗೆ ಹೆಮ್ಮೆತಂದಿದೆ. ಗ್ರಾಮೀಣ ಭಾಗದ ಕಾಲೇಜಾಗಿದ್ದರೂ ಸಹ ಉತ್ತಮ ಫಲಿತಾಂಶ ಬರುತ್ತಿದ್ದು, ವಿದ್ಯಾರ್ಥಿನಿಯರೇ ಮೇಲುಗೈ ಸಾಧಿಸುತ್ತಿದ್ದಾರೆ. ಇನ್ನು ಮುಂದಿನ ದಿನಗಳಲ್ಲಿ ಕಾಲೇಜಿನ ಸರ್ವತೋಮುಖ ಬೆಳವಣಿಗೆಗಾಗಿ ಎಲ್ಲರೂ ಸೇರಿ ಕಾರ್ಯೋನ್ಮುಖರಾಗಿ ಶ್ರಮಿಸೋಣ ಎಂದರು.               ಕಾಲೇಜಿನ ಯಾವುದೇ ಸಮಸ್ಯೆಗಳಿದ್ದರೂ ಸಹ ಮುಕ್ತವಾಗಿ ತಮ್ಮೊಂದಿಗೆ ಚರ್ಚಿಸಿ ಅದನ್ನು ಬಗೆಹರಿಸಿಕೊಳ್ಳೋಣ ಹಾಗೂ ಎಲ್ಲ ಸಿಬ್ಬಂದಿವರ್ಗದವರು ಪರಸ್ಪರ ಸಹಕಾರಯುತವಾಗಿ ಬೋಧನಾಕಾರ್ಯವನ್ನು ಮಾಡುತ್ತಾ ಕಾಲೇಜಿನ ಶ್ರೇಯೋಭಿವೃದ್ದಿಗಾಗಿ ಶ್ರಮಿಯೋಣ ಎಂದರು.

    ಈ ಸಂದರ್ಭದಲ್ಲಿ ಹಿರಿಯ ಅಧ್ಯಾಪಕರಾದ ಸೈಯ್ಯದ್ ಇಬ್ರಾಹಿಂ,ಶಂಕರಲಿಂಗಯ್ಯ,ಅಶೋಕ್, ದೈಹಿಕಶಿಕ್ಷಣ ಸಂಯೋಜಕ ಶಿವಯ್ಯ, ಉಪನ್ಯಾಸಕರಾದ ಹನುಮಂತಪ್ಪ,ಕುಮಾರ್ ಸ್ವಾಮಿ ಸೇರಿದಂತೆ ಬೋಧಕೇತರ ವರ್ಗದವರು ಉಪಸ್ಥಿತರಿದ್ದು ನೂತನ ಪ್ರಾಂಶುಪಾಲರನ್ನು ಸ್ವಾಗತಿಸಿದರು.

ಹುಳಿಯಾರು-ಕೆಂಕೆರೆ ಸರ್ಕಾರಿ ಬಿಎಂಎಸ್ ಕಾಲೇಜಿನಿಂದ ವರ್ಗಾವಣೆಯಾದ ಪ್ರಾಚಾರ್ಯ ಆರ್.ಮೂಗೇಶಪ್ಪ ಅವರನ್ನು ಕಾಲೇಜು ಸಿಬ್ಬಂದಿ ಅಭಿನಂದಿಸಿ ಬಿಳ್ಕೊಟ್ಟರು.