ಬಾಬಾ ಮಂದಿರದಲ್ಲಿ ಬುದ್ದಪೂರ್ಣಿಮೆ ಆಚರಣೆ

ಹುಳಿಯಾರು  ಸಮೀಪದ ಬೋರನಕಣಿವೆ ಜಯಚಂದ್ರನಗರದ ಸಾಯಿಬಾಬ ಮಂದಿರದಲ್ಲಿ ಸೋಮವಾರ ಬುದ್ದಪೂರ್ಣಿಮೆ ಅಂಗವಾಗಿ ಅರ್ಚನೆ ಹಾಗೂ ವಿಶೇಷ ಪೂಜೆ ನೆರವೇರಿಸಲಾಯಿತು.

ಜಯಚಂದ್ರನಗರದ ಸಾಯಿಬಾಬ ಮಂದಿರದಲ್ಲಿ ನಡೆದ ಸತ್ಯನಾರಾಯಣ ಪೂಜೆಯಲ್ಲಿ ಭಾಗವಹಿಸಿದ್ದ ಭಕ್ತಾಧಿಗಳು.

ಅರ್ಚಕ ನಂಜುಂಡರಾವ್ ಹಾಗೂ ರವಿಕುಮಾರ್ ಅವರ ಪೌರೋಹಿತ್ಯದಲ್ಲಿ ಸತ್ಯನಾರಾಯಣ ಪೂಜೆ ಹಾಗೂ ಸಾಯಿಬಾಬನಿಗೆ ಕಾಕಡಾರತಿ, ಧೂಪದಾರತಿ ನಡೆದು ಮಹಾಮಂಗಳಾರತಿ ನಂತರ ಆಗಮಿಸಿದ ಭಕ್ತಾಧಿಗಳಿಗೆ ಪ್ರಸಾದ ವಿತರಣೆ ಮಾಡಲಾಯಿತು. ತಿಪಟೂರು ಉಪವಿಭಾಗಾಧಿಕಾರಿ ಪ್ರಜ್ಞ ಅಂಬಳೆ , ಟ್ರಸ್ಟ್ ನ ವಿಠಲ್, ಮಾಜಿ.ತಾ.ಪಂ.ಸದಸ್ಯ ರುದ್ರೇಶ್,ದಬ್ಬಗುಂಟೆ ಶ್ರೀನಿವಾಸ್,ಅನ್ನದಾನ ಬಸ್ ಮಾಲೀಕ ರಂಗನಾಥ್ ಪ್ರಸಾದ್ ಸೇರಿದಂತೆ ಇನ್ನಿತರರು ಆಗಮಿಸಿದ್ದರು.

ಹುಳಿಯಾರಿನ ಬನಶಂಕರಿ ದೇವಾಲಯದಲ್ಲಿ ಹುಣ್ಣಿಮೆ ಅಂಗವಾಗಿ ಅರ್ಚಕ ಶ್ರೀಧರ್ ನೇತೃತ್ವದಲ್ಲಿ ಸತ್ಯನಾರಾಯಣ ಪೂಜೆ ನಡೆದು ಪ್ರಸಾದವಿತರಿಸಲಾಯಿತು. ಈ ವೇಳೆ ಸಮಿತಿಯ ಅನಂತ್ ಕುಮಾರ್, ದಾಸಪ್ಪ ಸೇರಿದಂತೆ ದೇವಾಂಗ ಸಮಾಜದ ಭಕ್ತಾಧಿಗಳು ಉಪಸ್ಥಿತರಿದ್ದು ಅಮ್ಮನವರ ದರ್ಶನ ಪಡೆದರು.