ಯಳನಡು ಕರಿಯಮ್ಮನ ವೈಭವಯುತ ಅಂಬಾರಿ ಉತ್ಸವ

ಹುಳಿಯಾರು  ಹೋಬಳಿ ಯಳನಡುವಿನ ಗ್ರಾಮದೇವತೆ ಶ್ರೀ ಕರಿಯಮ್ಮದೇವಿಯ ಜಾತ್ರಾಮಹೋತ್ಸವದ ಅಂಗವಾಗಿ ಕರಿಯಮ್ಮದೇವಿಯ ವೈಭವಯುತ ಅಂಬಾರಿ ಉತ್ಸವವನ್ನು ನಡೆಸಲಾಯಿತು.

ಹುಳಿಯಾರು ಹೋಬಳಿ ಯಳನಡುವಿನ ಶ್ರೀಕರಿಯಮ್ಮದೇವಿಯ ಅಂಬಾರಿ ಉತ್ಸವ ಅಪಾರ ಸಂಖ್ಯೆಯ ಭಕ್ತಾಧಿಗಳ ಹರ್ಷೋದ್ಘಾರದಲ್ಲಿ ನಡೆಯಿತು.

ಒಟ್ಟು ನಾಲ್ಕು ದಿನಗಳ ಕಾಲ ನಡೆದ ಜಾತ್ರಾ ಮಹೋತ್ಸವದಲ್ಲಿ ದೇವಿಗೆ ಬಾನದಸೇವೆ ಹಾಗೂ ಸಿಡಿಕಾರ್ಯ,ಅಂಬಾರಿ ಉತ್ಸವ, ಪುಷ್ಪ ರಥೋತ್ಸವ, ಮಡಿಲಕ್ಕಿ ಸೇವೆ ನಡೆಯಿತು. ಗಮನಸೆಳೆದ ಅಂಬಾರಿ ಉತ್ಸವದಲ್ಲಿ ಆನೆಯ ಮೇಲೆ ಅಲಂಕೃತ ದೇವಿಯನ್ನು ಕುಳ್ಳಿರಿಸಿ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಮೆರವಣಿಗೆ ನಡೆಸಲಾಯಿತು. ಉತ್ಸವದ ಅಂಗವಾಗಿ ದೇವಿಯನ್ನು ಬಗೆಬಗೆಯ ಹೂಗಳಿಂದ ಅಲಂಕರಿಸಿದ್ದಲ್ಲದೆ ವಿಶೇಷ ಪೂಜೆ ನಡೆಸಿದರು. ನಂತರ ದೇವಿಯನ್ನು ಆನೆಯ ಮೇಲಿನ ಅಲಂಕೃತ ಮಂಟಪದಲ್ಲಿ ಕುಳ್ಳಿರಿಸಿ ಜೈಕಾರ ಹಾಕುತ್ತಾ ಮೆರವಣಿಗೆ ನಡೆಸಿದರು. ಅಂಬಾರಿ ಉತ್ಸವವನ್ನು ನೋಡಲು ಗ್ರಾಮದ ಸುತ್ತಮುತ್ತಮುತ್ತಲ ಹಳ್ಳಿಗಳ ಅಪಾರ ಸಂಖ್ಯೆಯ ಜನರು ಆಗಮಿಸಿದ್ದು ವೈಭವಯುತ ಅಂಬಾರಿ ಉತ್ಸವವನ್ನು ಕಣ್ತುಂಬಿಕೊಂಡರು. ಇದೇ ದಿನ ಸಂಜೆ ದೇವಿಯ ಪುಷ್ಪವಾಹನೋತ್ಸ ಹಾಗೂ ಸಾಂಸ್ಕೃತಿಕಕಾರ್ಯಕ್ರಮ ನಡೆಯಿತು. ಸೋಮವಾರದಂದು ಅಮ್ಮನವರ ಮಡಿಲಕ್ಕಿ ಸೇವೆ ನಡೆದು ಮೊಲಸ್ಥಾನಕ್ಕೆ ಕರೆದೊಯ್ಯುವ ಮೂಲಕ ಜಾತ್ರೆಗೆ ತೆರೆಎಳೆಯಲಾಯಿತು. ಕರಿಮ್ಮ ದೇವಸ್ಥಾನದ ಕಮಿಟಿಯ ಸದಸ್ಯರು, ಯಳನಡು ಗ್ರಾಮಸ್ಥರು ಹಾಗೂ ಭಕ್ತಾಧಿಗಳು ಪಾಲ್ಗೊಂಡಿದ್ದರು.